വാഷിംഗ്ടൺ: അന്തരിച്ച പ്രമുഖ യു.എസ് സെനറ്റർ ലിൻഡ്സി ഗ്രഹാമിന്റെ വിയോഗത്തെ തുടർന്ന്, സൗത്ത് കരോലിനയിൽ നിന്നുള്ള ഇടക്കാല സെനറ്ററായി അദ്ദേഹത്തിന്റെ സഹോദരി ഡാർലിൻ ഗ്രഹാം നോർഡോണിനെ ഗവർണർ ഹെന്റി മക്മാസ്റ്റർ ഔദ്യോഗികമായി നിയമിച്ചു.
മുൻ പ്രസിഡന്റ് ഡൊണാൾഡ് ട്രംപിന്റെ പ്രത്യേക ശുപാർശ പ്രകാരമാണ് ഈ നിയമനം. 'ലിൻഡ്സിയോടുള്ള ഏറ്റവും മനോഹരമായ ആദരവാണിത്, അദ്ദേഹം തന്റെ അനിയത്തിയെ അത്രമേൽ സ്നേഹിച്ചിരുന്നു,' ട്രംപ് പ്രതികരിച്ചു.
ഡാർലിൻ ഒരു സജീവ രാഷ്ട്രീയപ്രവർത്തകയല്ലെങ്കിലും, സൗത്ത് കരോലിന സംസ്ഥാന സർക്കാരിൽ 28 വർഷത്തിലധികം നേതൃത്വപരിചയമുള്ള വ്യക്തിയാണ്. നിലവിൽ 'സൗത്ത് കരോലിന കമ്മീഷൻ ഫോർ ദി ബ്ലൈൻഡ്' കമ്മീഷണറായി സേവനമനുഷ്ഠിക്കുകയാണ്.
ലിൻഡ്സി ഗ്രഹാമിന്റെയും ഡാർലിന്റെയും മാതാപിതാക്കൾ 15 മാസത്തെ ഇടവേളയിൽ മരണപ്പെട്ടിരുന്നു. അന്ന് വെറും 13 വയസ്സ് മാത്രമുണ്ടായിരുന്ന ഡാർലിന്റെ നിയമപരമായ രക്ഷിതാവായി മാറി അവരെ വളർത്തിയത് ജ്യേഷ്ഠനായ ലിൻഡ്സി ഗ്രഹാമായിരുന്നു.
തന്റെ ജ്യേഷ്ഠന്റെ ജനസേവന പാരമ്പര്യം ഉയർത്തിപ്പിടിച്ചുകൊണ്ട് ലിൻഡ്സി ഗ്രഹാമിന്റെ ശേഷിക്കുന്ന ഔദ്യോഗിക കാലാവധിയിലാണ് ഡാർലിൻ സൗത്ത് കരോലിനയെ പ്രതിനിധീകരിക്കുക.
പി പി ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260715042517.jpg)
-20260715012816.jpg)
