തിരുവനന്തപുരം: പ്രതിപക്ഷമായ എല്.ഡി.എഫിലെ ആഭ്യന്തര തര്ക്കങ്ങളെയും ഭിന്നതകളെയും രൂക്ഷമായ ഭാഷയില് പരിഹസിച്ച് മുഖ്യമന്ത്രി വി.ഡി സതീശന്. മുന്നണിക്കുള്ളില് നടക്കുന്നത് കേവല അഭിപ്രായവ്യത്യാസമല്ലെന്നും മറിച്ച് ഒരു തുറന്ന കലാപമാണെന്നും അദ്ദേഹം വാര്ത്താ സമ്മേളനത്തില് പറഞ്ഞു. സി.പി.എമ്മിന്റെയും സി.പി.ഐയുടെയും മുതിര്ന്ന നേതാക്കള് പരസ്പരം ചെളിവാരിയെറിയുന്ന കാഴ്ചയാണ് ജനങ്ങള് കാണുന്നതെന്നും മുഖ്യമന്ത്രി കൂട്ടിച്ചേര്ത്തു.
സി.പി.ഐയെ യു.ഡി.എഫിലേക്ക് ക്ഷണിച്ചുവെന്ന തരത്തിലുള്ള പ്രചാരണങ്ങള് തള്ളിക്കളഞ്ഞ വി.ഡി സതീശന്, മുസ്ലിം ലീഗ് അത്തരമൊരു ക്ഷണം നടത്തിയിട്ടില്ലെന്നും ഈ വിഷയത്തില് സര്ക്കാരോ യു.ഡി.എഫോ യാതൊരു ആലോചനകളും നടത്തിയിട്ടില്ലെന്നും വ്യക്തമാക്കി. പ്രതിപക്ഷ നേതാവ് പിണറായി വിജയന്റെ പാര്ട്ടിയില് നിലവിലെ നേതൃത്വത്തിനെതിരെ ശക്തമായ അമര്ഷം പുകയുകയാണെന്നും, കേന്ദ്രകമ്മിറ്റി തീരുമാനങ്ങള് പോലും സംസ്ഥാനത്ത് ലംഘിക്കപ്പെടുകയാണെന്നും അദ്ദേഹം ചൂണ്ടിക്കാട്ടി.
എല്.ഡി.എഫിലെ ഈ ആഭ്യന്തര കലഹം ഭരണപക്ഷം പുറത്തുനിന്ന് ആസ്വദിക്കുക മാത്രമാണ് ചെയ്യുന്നതെന്നും ഇതിന്റെ പേരില് പ്രത്യേക രാഷ്ട്രീയ നീക്കങ്ങള്ക്കൊന്നും യു.ഡി.എഫ് മുതിരില്ലെന്നും മുഖ്യമന്ത്രി വ്യക്തമാക്കി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260902093425.jpg)
-20260902092916.jpg)
