തിരുവനന്തപുരം: എസ്എസ്എൽസി പരീക്ഷയിൽ വിജയിച്ച വിദ്യാർഥികൾക്ക് അഭിനന്ദനങ്ങളുമായി മുൻ വിദ്യാഭ്യാസ മന്ത്രി വി. ശിവൻകുട്ടി. മികച്ച വിജയം നേടിയ വിദ്യാർഥികൾക്ക് ആശംസകൾ നേർന്ന അദ്ദേഹം, പ്രതീക്ഷിച്ച വിജയം നേടാനാകാത്തവരും ആത്മവിശ്വാസം കൈവിടരുതെന്ന് ആഹ്വാനം ചെയ്തു.
ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ പ്രതികരണം. പരീക്ഷാഫലം എന്തുതന്നെയായാലും കുട്ടികൾക്ക് ഈ സമയത്ത് ഏറ്റവും ആവശ്യമായത് രക്ഷിതാക്കളുടെ പിന്തുണയും സ്നേഹവുമാണെന്ന് വി. ശിവൻകുട്ടി പറഞ്ഞു.
“പ്രതീക്ഷിച്ച മാർക്ക് ലഭിക്കാത്തവരും പരാജയപ്പെട്ടവരും നിരാശരാകേണ്ടതില്ല. ജീവിതത്തിൽ മുന്നോട്ട് പോകാൻ നിരവധി അവസരങ്ങൾ ഇനിയും മുന്നിലുണ്ട്,” എന്ന സന്ദേശമാണ് അദ്ദേഹം പങ്കുവെച്ചത്. ഫലം പുറത്തുവന്ന ഈ ഘട്ടത്തിൽ മക്കളെ കുറ്റപ്പെടുത്തുന്നതിന് പകരം അവരെ ചേർത്തുപിടിക്കണമെന്നും ആത്മവിശ്വാസം നൽകുന്ന വാക്കുകൾ പറയണമെന്നും രക്ഷിതാക്കളോട് അദ്ദേഹം അഭ്യർഥിച്ചു.
വിദ്യാഭ്യാസം പരീക്ഷാഫലങ്ങളിൽ മാത്രം ഒതുങ്ങുന്നതല്ലെന്നും, ഓരോ കുട്ടിയുടെയും കഴിവുകളും സാധ്യതകളും വ്യത്യസ്തമാണെന്നും അദ്ദേഹം ഓർമ്മിപ്പിച്ചു. വിദ്യാർഥികൾ മാനസിക സമ്മർദ്ദത്തിലാകാതെ ആത്മവിശ്വാസത്തോടെ മുന്നോട്ട് പോകണമെന്നും വി. ശിവൻകുട്ടി കൂട്ടിച്ചേർത്തു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260623124641.jpg)
-20260623121307.jpg)
-20260408101117.jpg)
