'തുറക്കാത്ത കടകൾ ഉച്ച മുതൽ ഏറ്റെടുക്കും'; അനിശ്ചിതകാല സമരം നടത്തുന്ന റേഷൻ വ്യാപാരികളുമായി വീണ്ടും ചർച്ച നടത്താൻ ഒരുങ്ങി സർക്കാർ

JANUARY 26, 2025, 11:13 PM

തിരുവനന്തപുരം: അനിശ്ചിതകാല സമരം നടത്തുന്ന റേഷൻ വ്യാപാരികളുമായി വീണ്ടും ചർച്ച നടത്താൻ ഒരുങ്ങി സർക്കാർ. ഭക്ഷ്യ മന്ത്രി ജി ആർ അനിൽകുമാർ റേഷൻ വ്യാപാരികളെ ചർച്ചക്ക് വിളിച്ചു എന്നാണ് ലഭിക്കുന്ന വിവരം. 12 മണിക്കാണ് ചർച്ച.

അതേസമയം സമരത്തെ മറികടക്കാൻ 40 ലേറെ മൊബൈൽ റേഷൻ കടകൾ നാളെ നിരത്തിലിറക്കാൻ സർക്കാർ തലത്തിൽ തീരുമാനമായിട്ടുണ്ട്. ഇന്ന് 256 കടകൾ രാവിലെ 8 മണി മുതൽ പ്രവർത്തനം തുടങ്ങിയതായി ഭക്ഷ്യ വകുപ്പ് അറിയിച്ചു.

തുറക്കാത്ത കടകൾ ഉച്ച മുതൽ ഏറ്റെടുക്കും എന്നും മന്ത്രി അറിയിച്ചു. 12 മണിക്ക് വീണ്ടും റേഷൻ കട ഉടമകളുടെ കോ - ഡിനേഷനുമായി ചർച്ച നടത്തും. എല്ലാ ജില്ലകളിലും കൺ ട്രോൾ റൂം തുറക്കാൻ ഭക്ഷ്യമന്ത്രി നിർദ്ദേശിച്ചു.