-20260430055111.jpg)
തൃശൂര്: ഒഡിഷയില് സഹോദരിയുടെ അസ്ഥികൂടവുമായി ബാങ്കിലെത്തിയ വയോധികന് സഹായവുമായി തടാഗം ഫൗണ്ടേഷന്. തടാഗം ഫൗണ്ടേഷന് ചെയര്മാന് എം വി കുഞ്ഞുമുഹമ്മദ് ഹാജിയാണ് സഹായം പ്രഖ്യാപിച്ചത്.
ഒഡിഷ കിയോഞ്ജര് ഡയാനാലി സ്വദേശി ജിതു മുണ്ടയ്ക്ക് ഒരു ലക്ഷം രൂപ ഫൗണ്ടേഷന് നല്കും. മരിച്ചുപോയ സഹോദരിയുടെ അസ്ഥികൂടവുമായി ബാങ്കിലെത്തിയ ജിതു മുണ്ടയുടെ ദൃശ്യം വിവാദമായിരുന്നു.
പൊരിവെയിലില് മൂന്ന് കിലോമീറ്ററോളം ചുമലില് താങ്ങിയാണ് അസ്ഥികൂടവുമായി ജിതു മുണ്ട മല്ലിപാസിയിലെ ഒഡിഷ ഗ്രാമീണ ബാങ്കിലെത്തിയത്.
രണ്ട് മാസം മുമ്പാണ് അദ്ദേഹത്തിന്റെ സഹോദരി കാക്ര മുണ്ട മരിച്ചത്. സഹോദരിയുടെ ബാങ്ക് അക്കൗണ്ടില് ബാക്കി ഉണ്ടായിരുന്ന തുക പിന്വലിക്കാന് എത്തിയ ജിതു മുണ്ടയ്ക്ക് പണം നല്കാന് അധികൃതര് ഉപാധികള് വച്ചതോടെയാണ് മറ്റ് മാര്ഗമില്ലാതെ അദ്ദേഹം അസ്ഥികൂടവും ചുമന്നെത്തിയത്.
മനുഷ്യരുടെ വേദനകള്ക്കും സങ്കടങ്ങള്ക്കും ഭാഷ-ദേശ വ്യത്യാസമില്ലെന്ന് കുഞ്ഞുമുഹമ്മദ് പറഞ്ഞു. സഹജീവികളുടെ വേദനകള് തിരിച്ചറിഞ്ഞ് ആശ്വാസം നല്കുമ്പോഴാണ് മനുഷ്യത്വം അര്ത്ഥവത്താകുന്നതെന്നും അതിന്റെ ഭാഗമായാണ് ഈ പിന്തുണയെന്നും എം വി കുഞ്ഞുമുഹമ്മദ് ഹാജി കൂട്ടിച്ചേര്ത്തു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
