തൊടുപുഴ: എംഡിഎംഎയും കഞ്ചാവുമായി സിനിമ താരവും സുഹൃത്തും എക്സൈസ് പിടിയിലായി. എറണാകുളം വെങ്ങോല സ്വദേശി പരീക്കുട്ടി എന്ന ഫരീദുദ്ദീൻ (31), കോഴിക്കോട് വടകര സ്വദേശി ജിസ്‌മോൻ (34) എന്നിവരാണ് എക്സൈസിന്റെ പിടിയിലായത്.

ഇവരുടെ കൈയ്യിൽ നിന്ന് 10.5 ഗ്രാം എംഡിഎംഎ 5 ഗ്രാം കഞ്ചാവ്‌ എന്നിവ കണ്ടെടുത്തു. തൊടുപുഴ കാഞ്ഞാർ പുള്ളിക്കാനം റോഡിൽ നടത്തിയ വാഹന പരിശോധനയിലായിരുന്നു ഇരുവരും പിടിയിലായത്.

എക്സൈസ് റേഞ്ച്  ഇൻസ്പെക്ടർ  കെ അഭിലാഷും സംഘവും  കാഞ്ഞാർ- പുള്ളിക്കാനം റോഡിൽ നടത്തിയ പരിശോധനയിലാണ്  കാറിൽ സഞ്ചരിച്ച ഇവർ കുടുങ്ങിയത്.  

കാറിൽ പിറ്റ്‌ബുൾ ഇനത്തിൽ പെട്ട ഒരു നായയും ഉണ്ടായിരുന്നു.  അസി. എക്സൈസ് ഇൻസ്പെക്ടർ ഗ്രേഡ് സാവിച്ചൻ  മാത്യു, ഗ്രേഡ് പ്രിവന്റീവ്  ഓഫീസർമാരായ വി ആർ രാജേഷ്, പി ആർ അനുരാജ്, എ ഐ സുബൈർ, സിവിൽ എക്സൈസ് ഓഫീസർ  ചാൾസ് എഡ്വിൻ, വനിതാ സിവിൽ എക്സൈസ് ഓഫീസർ എം ടി  ബിന്ദു എന്നിവരും  പരിശോധനയിൽ പങ്കെടുത്തു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്