പത്തനംതിട്ട: സിപിഐഎം വിട്ട് മുൻ നേതാവ് ആർ കൃഷ്ണകുമാർ മുസ്ലിം ലീഗിൽ ചേർന്നതായി റിപ്പോർട്ട്. ഒരു മാസം മുൻപ് വരെ പത്തനംതിട്ട തോട്ടപ്പുഴശ്ശേരി ഗ്രാമപഞ്ചായത്ത് പ്രസിഡന്റായിരുന്ന ആർ കൃഷ്ണകുമാർയുടെ രാഷ്ട്രീയ നീക്കം ജില്ലയിൽ ശ്രദ്ധേയമാവുകയാണ്.
കോയിപ്രം ബ്ലോക്ക് പഞ്ചായത്ത് പ്രസിഡന്റായും സിപിഐഎം ബ്ലോക്ക് പഞ്ചായത്ത് വൈസ് പ്രസിഡന്റായും പ്രവർത്തിച്ച അനുഭവസമ്പത്തുള്ള നേതാവാണ് അദ്ദേഹം. പാർട്ടിയിൽ ഏരിയ കമ്മിറ്റി അംഗം, ലോക്കൽ കമ്മിറ്റി സെക്രട്ടറി തുടങ്ങിയ നിലകളിലും പ്രവർത്തിച്ചിരുന്നു. വിദ്യാർത്ഥി-യുവജന രംഗത്തും സജീവമായിരുന്ന ആർ കൃഷ്ണകുമാർ, എസ്എഫ്ഐ പത്തനംതിട്ട ജില്ലാ പ്രസിഡന്റായും ഡിവൈഎഫ്ഐ ജില്ലാ വൈസ് പ്രസിഡന്റായും പ്രവർത്തിച്ചിട്ടുണ്ട്.
ദീർഘകാല സിപിഐഎം പ്രവർത്തകനായിരുന്ന നേതാവ് മുസ്ലിം ലീഗിലേക്ക് മാറിയത് രാഷ്ട്രീയ രംഗത്ത് പുതിയ ചർച്ചകൾക്ക് വഴിയൊരുക്കിയിരിക്കുകയാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
