'സതീശനെ ഒഴികെ മറ്റാരെയും മുഖ്യമന്ത്രിയായി സങ്കൽപ്പിക്കാനാകില്ല'; വി ഡി സതീശനെ പിന്തുണച്ച് നടൻ സിദ്ദിഖ്

MAY 6, 2026, 11:51 PM

തിരുവനന്തപുരം: കേരളത്തിലെ അടുത്ത മുഖ്യമന്ത്രിയെക്കുറിച്ചുള്ള ചർച്ചകൾ ശക്തമാകുന്നതിനിടെ മുൻ പ്രതിപക്ഷ നേതാവ് വി ഡി സതീശൻന് പിന്തുണയുമായി നടൻ സിദ്ദിഖ് രംഗത്ത്.

സതീശനെ ഒഴികെ മറ്റാരെയും മുഖ്യമന്ത്രിയായി സങ്കൽപ്പിക്കാനാകില്ലെന്നും, രാഹുൽ ഗാന്ധിയെ പോലും ആ സ്ഥാനത്ത് ചിന്തിക്കാനാകില്ലെന്നും സിദ്ദിഖ് അഭിപ്രായപ്പെട്ടു. ഉറച്ച നിലപാടുള്ള, ഭീഷണികൾക്ക് വഴങ്ങാത്ത, മതനിരപേക്ഷത ഉയർത്തിപ്പിടിക്കുന്ന നേതാവാണ് സതീശനെന്ന് അദ്ദേഹം പറഞ്ഞു.

സാമുദായിക സമ്മർദ്ദങ്ങൾക്ക് വഴങ്ങാതെ നിലപാട് എടുക്കുന്ന നേതാവായി സതീശനെ കാണുന്നുവെന്നും സിദ്ദിഖ് കൂട്ടിച്ചേർത്തു. മുഖ്യമന്ത്രി തിരഞ്ഞെടുപ്പുമായി ബന്ധപ്പെട്ട ചർച്ചകൾക്കിടയിൽ ഈ പ്രതികരണം ശ്രദ്ധ നേടുകയാണ്.