മംഗളൂരു: ഭര്‍ത്താവിന്റെ കേസുമായി ബന്ധപ്പെട്ട് പൊലീസ് ഭീഷണിപ്പെടുത്തിയതിനെ തുടര്‍ന്ന് പിഞ്ചുകുഞ്ഞിനെ കൊലപ്പെടുത്തി യുവതി ജീവനൊടുക്കിയെന്ന് റിപ്പോര്‍ട്ട്. സുഷ്മീത(23) ശ്രേഷ്ഠ(ഒന്നര വയസ്) എന്നിവരാണ് മരിച്ചത്. ബ്രഹ്മാവര്‍ പൊലീസ് സ്റ്റേഷന്‍ പരിധിയില്‍ കുഞ്ചാലു ഹെരഞ്‌ജെ ക്രോസിന് സമീപം തിങ്കളാഴ്ചയാണ് സംഭവം.

സുഷ്മീതയുടെ ഭര്‍ത്താവ് കേസുമായി ബന്ധപ്പെട്ട കാര്യങ്ങള്‍ക്ക് ബംഗളൂരുവിലായിരുന്നെന്നാണ് പ്രാഥമിക റിപ്പോര്‍ട്ടുകള്‍ സൂചിപ്പിക്കുന്നത്. ഭര്‍ത്താവിന്റെ അഭാവത്തില്‍ ബ്രഹ്മാവര്‍ പൊലീസിലെ ഉദ്യോഗസ്ഥര്‍ ഇവരുടെ വീട് സന്ദര്‍ശിച്ച് കേസില്‍ ഭര്‍ത്താവിന്റെ പങ്കാളിത്തത്തെക്കുറിച്ച് സുഷ്മീതയെ ഭീഷണിപ്പെടുത്തിയതായി റിപ്പോര്‍ട്ടുണ്ട്. ഇതിനെത്തുടര്‍ന്നുണ്ടായ പേടിയും അപമാനവും മൂലം സുഷ്മീത കുഞ്ഞിനെ കൊലപ്പെടുത്തി ആത്മഹത്യ ചെയ്യുകയായിരുന്നു.

സംഭവത്തെക്കുറിച്ച് ബ്രഹ്മാവര്‍ പൊലീസ് സമഗ്രമായ അന്വേഷണം ആരംഭിച്ചിട്ടുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്