ചെന്നൈ: നിയമസഭാ തെരഞ്ഞെടുപ്പിൽ സ്വതന്ത്രമായി മത്സരിക്കാനുള്ള തീരുമാനം എടുത്തതിന് പിന്നാലെ, ചെന്നൈയിലെ പ്രധാന മണ്ഡലങ്ങളിലേക്ക് ശ്രദ്ധ കേന്ദ്രീകരിച്ച് ടിവികെ. നടൻ വിജയ് പെരമ്പൂർ മണ്ഡലത്തിൽ നിന്ന് മത്സരിക്കാൻ സാധ്യതയുണ്ടെന്നാണ് പാർട്ടിയുമായി അടുത്ത വൃത്തങ്ങൾ സൂചിപ്പിക്കുന്നത്.
അതേസമയം തിരുച്ചി ഈസ്റ്റിൽ നിന്നുള്ള മത്സരവുമായി ബന്ധപ്പെട്ട അഭ്യൂഹങ്ങൾ പാർട്ടി നേതൃത്വം നിഷേധിച്ചു. ഏകദേശം 2.22 ലക്ഷം വോട്ടർമാരുള്ള പെരമ്പൂർ ചെന്നൈയിലെ പ്രധാന മണ്ഡലങ്ങളിലൊന്നാണ്. ടിവികെ ജനറൽ സെക്രട്ടറി ബുസി ആനന്ദ് ടി നഗറിൽ നിന്നും മത്സരിക്കുമെന്നാണ് ലഭിക്കുന്ന വിവരം.
തെരഞ്ഞെടുപ്പ് ചുമതലയുള്ള ജനറൽ സെക്രട്ടറി ആധവ് അർജുൻ വില്ലിവാക്കത്ത് നിന്നായിരിക്കും രംഗത്തിറങ്ങുക. പാർട്ടിയിൽ ചേർന്ന മുൻ എഐഎഡിഎംകെ എംഎൽഎ ജെ സി ഡി പ്രഭാകർ തൗസൻഡ് ലൈറ്റ്സിൽ നിന്നും, ട്രഷറർ പി വെങ്കട്ടരാമൻ മൈലാപ്പൂരിൽ നിന്നും മത്സരിക്കും. മുൻ എംഎൽഎ വി എസ് ബാബു കൊളത്തൂരിലും ജനവിധി തേടും.
ഡെപ്യൂട്ടി ജനറൽ സെക്രട്ടറിമാരായ എം അരുള് പ്രകാശവും എ രാജ്മോഹനും സൈദാപ്പേട്ടിലും എഗ്മോറിലും നിന്ന് മത്സരിക്കാനാണ് തീരുമാനം. എൻ മേരി വിൽസൺ ആർ.കെ നഗറിൽ നിന്ന് രംഗത്തിറങ്ങും.
ഹൈ ലെവൽ കമ്മിറ്റിയുടെ ചീഫ് കോർഡിനേറ്ററും ഒൻപത് തവണ എംഎൽഎയുമായ കെ എ സെങ്കോട്ടയ്യൻ സ്വന്തം മണ്ഡലമായ ഗോപിചെട്ടിപാളയം മുതൽ വീണ്ടും മത്സരിക്കും. ജനറൽ സെക്രട്ടറിയും മുൻ ഐആർഎസ് ഉദ്യോഗസ്ഥനുമായ ആർ അരുണ്രാജ് തിരുച്ചെങ്കോട് മണ്ഡലത്തിലും ജോയിന്റ് ജനറൽ സെക്രട്ടറി സി ടി ആർ നിർമൽ കുമാർ തിരുപ്പരൻകുന്ദ്രം മണ്ഡലത്തിലും മത്സരിക്കുമെന്ന് അറിയിച്ചിട്ടുണ്ട്. കഴിഞ്ഞ നിയമസഭാ തെരഞ്ഞെടുപ്പിൽ ചെന്നൈ ജില്ലയിലെ 16 മണ്ഡലങ്ങളിലും ഡിഎംകെയും സഖ്യകക്ഷികളും വിജയിച്ചിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20250923040329.jpg)
-20201002015843.jpg)
-20260205034145.jpg)
-20201113035400.jpg)
-20201113035654.jpg)
