ന്യൂഡല്ഹി: പൗരത്വം ലഭിക്കാത്തവരെ എങ്ങനെയാണ് വോട്ടര് പട്ടികയില് ഉള്പ്പെടുത്തുന്നതെന്ന് സുപ്രീം കോടതി. ബംഗ്ലാദേശില് നിന്നുള്ള കുടിയേറ്റക്കാരെ വോട്ടര് പട്ടികയില് ഉള്പ്പെടുത്തണമെന്ന ഹര്ജി പരിഗണിക്കവേയാണ് കോടതിയുടെ പരാമര്ശം. സന്നദ്ധ സംഘടനയായ ആത്മദീപ് നല്കിയ ഹര്ജി പരിഗണിക്കവെയാണ് പരാമര്ശം.
സിഎഎ പ്രകാരം നല്കിയ അപേക്ഷകള് പരിഗണിച്ചിട്ടില്ലെന്ന് ഹര്ജിക്കാര്ക്ക് വേണ്ടി മുതിര്ന്ന അഭിഭാഷക കരുണ നന്ദി ചൂണ്ടിക്കാട്ടി. അപേക്ഷകളില് തീരുമാനമാകുമ്പോഴേക്കും എസ്ഐആര് അവരെ പുറത്താക്കുമെന്നും പറഞ്ഞു. എന്നാല് ഇതുവരെ പൗരത്വം ലഭിക്കാത്തവരെ എങ്ങനെ ഉള്പ്പെടുത്തുമെന്ന് ചീഫ് ജസ്റ്റിസ് സൂര്യകാന്ത് ചോദിച്ചു.
സിഎഎ പ്രകാരം അവര്ക്ക് പൗരത്വം ലഭിച്ചേക്കാം. പക്ഷേ, അതിന് ഒട്ടേറെ കാര്യങ്ങള് പരിഗണിക്കേണ്ടതുണ്ട്. അതിന് മുന്പായി വോട്ടര്പട്ടികയില് ചേര്ക്കാനാവില്ല. അതിനാല് ആദ്യം പൗരത്വം നേടുകയാണ് വേണ്ടതെന്നും ചീഫ് ജസ്റ്റിസ് വ്യക്തമാക്കി.
അപേക്ഷകള് തീര്പ്പാക്കാന് സമയക്രമം നിശ്ചയിക്കണമെന്ന് ഹര്ജിക്കാര് ആവശ്യപ്പെട്ടു. എന്നാല് സന്നദ്ധ സംഘടനയാണ് ഹര്ജി നല്കിയതെന്നും അപേക്ഷകരാരും കോടതിയെ സമീപിച്ചിട്ടില്ലെന്നും ബെഞ്ച് ചൂണ്ടിക്കാട്ടി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20201113035654.jpg)
