മുംബൈ: എന്‍സിപിയിലെ ഇരുവിഭാഗങ്ങളും തമ്മിലുള്ള ലയനം സംബന്ധിച്ച ചര്‍ച്ചകള്‍ മഹാരാഷ്ട്ര രാഷ്ട്രീയത്തില്‍ വീണ്ടും ചൂടുപിടിക്കുന്നു. ശ്വാസകോശ അണുബാധയെ തുടര്‍ന്ന് മുംബൈയിലെ ബ്രീച്ച് കാന്‍ഡി ആശുപത്രിയില്‍ ചികിത്സയില്‍ കഴിയുന്ന എന്‍സിപി അധ്യക്ഷന്‍ ശരദ് പവാറിനെ മുതിര്‍ന്ന എന്‍സിപി നേതാവ് പ്രഫുല്‍ പട്ടേല്‍ സന്ദര്‍ശിച്ചതോടെയാണ് രാഷ്ട്രീയ വൃത്തങ്ങളില്‍ അഭ്യൂഹങ്ങള്‍ ശക്തിപ്പെട്ടത്.
ആശുപത്രി സന്ദര്‍ശനവേളയില്‍ പവാറുമായി പ്രഫുല്‍ പട്ടേല്‍ നടത്തിയ സംഭാഷണത്തിന്റെ ദൃശ്യങ്ങള്‍ പുറത്തുവന്നിട്ടുണ്ട്. നവംബര്‍ 10-ന് ശേഷം താന്‍ മുംബൈയില്‍ ഉണ്ടായിരിക്കുമെന്നും അന്ന് നേരിട്ട് കണ്ട് കൂടുതല്‍ കാര്യങ്ങള്‍ സംസാരിക്കാമെന്നും പട്ടേല്‍ പറയുമ്പോള്‍ പവാര്‍ അത് സമ്മതിക്കുന്നതും വീഡിയോയിലുണ്ട്. സന്ദര്‍ശനത്തിന് ശേഷം മാധ്യമങ്ങളെ കണ്ട പ്രഫുല്‍ പട്ടേല്‍, സംസ്ഥാന-ദേശീയ രാഷ്ട്രീയ സാഹചര്യങ്ങളാണ് ചര്‍ച്ച ചെയ്തതെന്നും പാര്‍ട്ടിയുടെ ആഭ്യന്തര വിഷയങ്ങള്‍ ഉന്നയിച്ചില്ലെന്നും വ്യക്തമാക്കി.
എന്നാല്‍, എന്‍സിപി മഹാരാഷ്ട്ര അധ്യക്ഷന്‍ സുനില്‍ തത്കരെ നല്‍കിയ സൂചനകള്‍ ലയന സാധ്യതകള്‍ വര്‍ദ്ധിപ്പിക്കുന്നുണ്ട്. അന്തരിച്ച മുന്‍ ഉപമുഖ്യമന്ത്രി അജിത് പവാര്‍ ജീവിച്ചിരുന്നെങ്കില്‍ കഴിഞ്ഞ ഫെബ്രുവരിയില്‍ തന്നെ ഇരുവിഭാഗങ്ങളുടെയും ലയനം പൂര്‍ത്തിയാകുമായിരുന്നു എന്നാണ് തത്കരെ പ്രതികരിച്ചത്. കഴിഞ്ഞ ജനുവരിയില്‍ ബരാമതിയിലുണ്ടായ വിമാനാപകടത്തിലാണ് അജിത് പവാര്‍ അകാലത്തില്‍ മരണപ്പെട്ടത്.
അജിത് പവാറിന്റെ വിയോഗത്തെ തുടര്‍ന്ന് അദ്ദേഹത്തിന്റെ ഭാര്യ സുനേത്ര പവാര്‍ ഉപമുഖ്യമന്ത്രി സ്ഥാനവും എന്‍സിപി അധ്യക്ഷ പദവിയും ഏറ്റെടുത്തിരുന്നു. എന്നാല്‍, തങ്ങളുടെ മക്കളായ പാര്‍ത്ഥ് പവാറിനെയും ജയ് പവാറിനെയും പാര്‍ട്ടിയിലെ പ്രധാന നേതൃസ്ഥാനങ്ങളിലേക്ക് കൊണ്ടുവരാന്‍ സുനേത്ര നടത്തുന്ന നീക്കങ്ങളില്‍ ഒരു വിഭാഗം മുതിര്‍ന്ന നേതാക്കള്‍ക്ക് കടുത്ത അമര്‍ഷമുണ്ട്. സുനേത്രയെയും പാര്‍ത്ഥിനെയും ഒഴിവാക്കി ചില പ്രമുഖ നേതാക്കള്‍ ഡല്‍ഹിയിലെത്തി കേന്ദ്ര ആഭ്യന്തര മന്ത്രി അമിത് ഷായെ കണ്ടതും എന്‍സിപിക്കുള്ളിലെ ആഭ്യന്തര തര്‍ക്കങ്ങള്‍ മറനീക്കി പുറത്തുകൊണ്ടുവന്നു. ഈ സാഹചര്യത്തില്‍, നവംബര്‍ 10-ന് നടക്കാനിരിക്കുന്ന കൂടിക്കാഴ്ച മഹാരാഷ്ട്ര രാഷ്ട്രീയത്തിലും എന്‍സിപിയുടെ ഭാവിയിലും നിര്‍ണ്ണായക തീരുമാനങ്ങള്‍ക്ക് വഴിതുറന്നേക്കും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261106033711.jpg)
-20261106033030.jpg)
-20261106031542.jpg)
-20261106031030.jpg)
-20260817112328.jpg)
-20261105050109.jpg)
-20261105045602.jpg)
-20261105120757.jpg)
-20261104025046.jpg)
-20261104023040.jpg)
