കണ്ണില്ലാത്ത ക്രൂരത; ബെംഗളൂരുവിൽ ആറ് വയസുകാരിയെ തട്ടിക്കൊണ്ടുപോയി കൊലപ്പെടുത്തി

JANUARY 7, 2026, 1:04 AM

കർണാടക: ബെംഗളൂരുവിൽ ആറ് വയസുകാരിയെ തട്ടിക്കൊണ്ടുപോയി കൊലപ്പെടുത്തി. കിഴക്കൻ ബെംഗളൂരുവിലെ വൈറ്റ്ഫീൽഡിലെ പട്ടണ്ടൂർ അഗ്രഹാരയിലെ കുടിയേറ്റ കോളനിയിലാണ് ഞെട്ടിക്കുന്ന സംഭവം ഉണ്ടായത്.

അതേസമയം പശ്ചിമ ബംഗാളിൽ നിന്നുള്ള അതിഥി തൊഴിലാളികളുടെ മകളാണ് കൊല്ലപ്പെട്ടതെന്നാണ് ലഭിക്കുന്ന വിവരം. ജനുവരി 5നാണ് പെൺകുട്ടിയെ കാണാതായത്. ജനുവരി 6ന് കുട്ടിയെ കാണാനില്ലെന്ന് കാട്ടി പിതാവ് പൊലീസിൽ പരാതി നൽകുകയും ചെയ്തിരുന്നു.

എന്നാൽ സ്ഥലത്തെ മറ്റൊരു അതിഥി തൊഴിലാളിയായ യൂസഫ് മീറാണ് കുറ്റകൃത്യത്തിന് പിന്നിലെന്ന് സംശയിക്കുന്നതായാണ് പരാതിയിൽ വ്യക്തമാക്കുന്നത്. പിന്നാലെ പൊലീസ് നടത്തിയ അന്വേഷണത്തിലാണ് പെൺകുട്ടിയുടെ മൃതദേഹം സമീപത്തെ അഴുക്കുചാലിൽ നിന്ന് കണ്ടെത്തിയത്.