-20251117080729.jpg)
ന്യൂഡല്ഹി: ടി.പി ചന്ദ്രശേഖരന് വധക്കേസില് കെ.കെ രമയുടെ താളത്തിനൊത്ത് തുള്ളാനാകില്ലെന്ന് സംസ്ഥാന സര്ക്കാര് സുപ്രീം കോടതിയില്. രമ അനാവശ്യമായി സര്ക്കാരിന്റെ വിശ്വാസ്യത ചോദ്യം ചെയ്യുകയാണെന്നും സര്ക്കാര് അഭിഭാഷകന് ആരോപിച്ചു. സുപ്രീം കോടതിയില് സംസ്ഥാന സര്ക്കാരിന്റെ സീനിയര് അഭിഭാഷകനും കെ.കെ രമയുടെ സീനിയര് അഭിഭാഷകനും തമ്മിലാണ് രൂക്ഷമായ തര്ക്കം ഉണ്ടായത്.
ടി.പി കേസില് ശിക്ഷിക്കപെട്ട ജ്യോതി ബാബുവിന്റെ ജാമ്യ ഹര്ജി പരിഗണിക്കവെയാണ് സംസ്ഥാന സര്ക്കാരിന്റെ സീനിയര് അഭിഭാഷകനും കെ.കെ. രമയുടെ സീനിയര് അഭിഭാഷകനും തമ്മില് രൂക്ഷമായ വാക്കുതര്ക്കം ഉണ്ടായത്. കേസില് സര്ക്കാരും കുറ്റവാളികളും തമ്മില് ഒത്തുകളിക്കുകയാണെന്ന് രമയ്ക്കുവേണ്ടി ഹാജരായ സീനിയര് അഭിഭാഷകന് ആര്. ബസന്ത് ആരോപിച്ചു. ഇതില് പ്രകോപിതനായാണ് സംസ്ഥാന സര്ക്കാരിന്റെ സീനിയര് അഭിഭാഷകന് പി.വി ദിനേശ് ശക്തമായ എതിര്പ്പ് കോടതിയെ അറിയിച്ചത്.
കേസില് സര്ക്കാര് നിലപാട് വ്യക്തമാക്കാന് താന് കോടതിയില് ഹാജരായിട്ടുണ്ട്. താന് നിലപാട് പറഞ്ഞിട്ടില്ല. പിന്നെങ്ങനെയാണ് സര്ക്കാര് കുറ്റവാളികളുമായി ഒത്തുകളിക്കുന്നു എന്ന് പറയാന് കഴിയുകയെന്ന് ദിനേശ് ചോദിച്ചു. രമയുടെ അഭിഭാഷകന് ഗാലറിക്കുവേണ്ടിയാണ് ആരോപണം ഉന്നയിക്കുന്നതെന്നും സര്ക്കാര് ആരോപിച്ചു. പരാതിക്കാരിയുടെ താളത്തിനൊത്ത് തുള്ളാനാകില്ലെന്നും സീനിയര് അഭിഭാഷകന് പി.വി. ദിനേശ് കോടതിയില് പറഞ്ഞു. സംസ്ഥാന സര്ക്കാരിനുവേണ്ടി സ്റ്റാന്റിങ് കോണ്സല് നിഷേ രാജന് ഷൊങ്കറും കോടതിയില് ഹാജരായിരുന്നു. കെ.കെ. രമയ്ക്കുവേണ്ടി സീനിയര് അഭിഭാഷകന് ആര്. ബസന്ത്, അഭിഭാഷകന് എ. കാര്ത്തിക് എന്നിവരാണ് ഹാജരായത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20260317114153.jpg)
-11-20260113024610.webp)
-20201113035654.jpg)
