പട്ന: ലാലു പ്രസാദ് യാദവിന്റെ മകള് രോഹിണി ആചാര്യ ആര്ജെഡി വിട്ടതായി റിപ്പോർട്ട്. തെരഞ്ഞെടുപ്പ് പരാജയത്തിന് പിന്നാലെയാണ് നിര്ണായക തീരുമാനം എന്നാണ് പുറത്തു വരുന്ന റിപ്പോർട്ട്. തീരുമാനത്തിന് പിന്നില് പാര്ട്ടിക്കുള്ളിലെ തര്ക്കമാണെന്നാണ് സൂചന.
അതേസമയം തന്റെ കുടുംബവുമായുള്ള ബന്ധവും അവസാനിപ്പിക്കുന്നുവെന്ന് രോഹിണി എക്സില് കുറിച്ചു. തേജസ്വിയുടെ ഉപദേശകനായ സഞ്ജയ് യാദവും റമീസും തന്നോട് ആവശ്യപ്പെട്ടത് ഇതാണെന്നും കുറ്റമെല്ലാം താന് ഏറ്റെടുക്കുന്നുവെന്നും രോഹിണി കുറിച്ചു.
'ഞാന് രാഷ്ട്രീയം ഉപേക്ഷിക്കുകയാണ്, എന്റെ കുടുംബത്തെ ഉപേക്ഷിക്കുകയാണ് … ഇതാണ് സഞ്ജയ് യാദവും റമീസും എന്നോട് ആവശ്യപ്പെട്ടത് … എല്ലാ കുറ്റവും ഞാന് ഏറ്റെടുക്കുന്നു' എന്നാണ് രോഹിണി കുറിച്ചത്. 2022 ൽ ലാലു പ്രസാദിന് വൃക്ക ദാനംചെയ്തത് മകളായ രോഹിണിയായിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
