മൂന്നാം പ്രസവമാണെന്നുവെച്ച് സർക്കാർ ജീവനക്കാർക്ക് പ്രസവാവധി നിഷേധിക്കാനാകില്ല; മദ്രാസ് ഹൈക്കോടതി

JANUARY 25, 2026, 9:33 PM

ചെന്നൈ: മൂന്നാം പ്രസവമാണെന്നുവെച്ച് സർക്കാർ ജീവനക്കാരുടെ പ്രസവാവധി നിഷേധിക്കാൻ കഴിയില്ലെന്ന് മദ്രാസ് ഹൈക്കോടതി. സുപ്രീം കോടതിയും ഹൈക്കോടതിയും ആവർത്തിച്ച് വ്യക്തമാക്കിയിട്ടും ചില സർക്കാർ വകുപ്പുകൾ ഇപ്പോഴും പ്രസവാവധി നിഷേധിക്കുന്നതിൽ ജസ്റ്റിസ് ആർ. സുരേഷ് കുമാറും ജസ്റ്റിസ് ഷമീം അഹമ്മദും ഉൾപ്പെട്ട ഡിവിഷൻ ബെഞ്ച് ആശങ്ക പ്രകടിപ്പിച്ചു.

മൂന്നാമത്തെ ഗർഭധാരണത്തിന് പ്രസവാവധി നിഷേധിച്ച ഹൈക്കോടതി രജിസ്ട്രാറുടെ നടപടിയെ ചോദ്യം ചെയ്ത് ഒരു ഹൈക്കോടതി ജീവനക്കാരി സമർപ്പിച്ച ഹർജിയിലാണ് കോടതിയുടെ വിധി.

ഈ ഉത്തരവ് ഹർജിക്കാരന് മാത്രമല്ല, എല്ലാവർക്കും ബാധകമാണെന്ന് കോടതി വ്യക്തമാക്കി. അവധി നിഷേധിക്കൽ ആവർത്തിക്കുന്നത് തടയാൻ വിവിധ സർക്കാർ വകുപ്പുകളുടെ മേധാവികൾക്കും കോടതി മേധാവികൾക്കും ഇത് വിശദീകരിച്ച് വിജ്ഞാപനം പുറപ്പെടുവിക്കാൻ ഹൈക്കോടതി നിർദ്ദേശിച്ചു.