ന്യൂഡല്ഹി: സുപ്രീം കോടതിയില് ഇലക്ടറല് ബോണ്ടുകള് സംബന്ധിച്ച സത്യവാങ്മൂലം സമർപ്പിച്ച് എസ്ബിഐ. ഇലക്ടറല് ബോണ്ടുകളുടെ ഡാറ്റ തിരഞ്ഞെടുപ്പ് കമ്മീഷനില് സമർപ്പിച്ചതായി എസ്ബിഐ വ്യക്തമാക്കി. പാസ്വേർഡ് പരിരക്ഷയില് ഉള്ള രണ്ട് പിഡിഎഫ് ഫയലുകളിലാണ് ഡാറ്റയെന്നാണ് സത്യവാങ്മൂലത്തില് വ്യക്തമാക്കുന്നത്.
അതേസമയം 2019 ഏപ്രിലിനും 2024 ഫെബ്രുവരി 15നും ഇടയില് 22,217 ഇലക്ടറല് ബോണ്ടുകള് ആണ് ഇഷ്യൂ ചെയ്തത്. ഇതില് രാഷ്ട്രീയ പാർട്ടികള് 22,030 ബോണ്ടുകള് പണമാക്കി മാറ്റി. ബാക്കിയുള്ള 187പേർ റിഡീം ചെയ്യുകയും പണം പ്രധാനമന്ത്രിയുടെ ദേശീയ ദുരിതാശ്വാസ നിധിയില് നിക്ഷേപിക്കുകയും ചെയ്തതായും ബാങ്ക് അറിയിച്ചിട്ടുണ്ട് എന്നാണ് പുറത്തു വരുന്ന റിപ്പോർട്ട്.
അതുപോലെ തന്നെ 2019 ഏപ്രില് ഒന്നിനും 11നുമിടയില് 3346 ബോണ്ടുകള് വാങ്ങിയിട്ടുണ്ട്. ഇതില് 1609 ബോണ്ടുകള് രാഷ്ട്രീയ പാർട്ടികള് പണമാക്കിയെന്നും സത്യവാങ്മൂലത്തില് വ്യക്തമാക്കുന്നു. 2019 ഏപ്രില് 12നും, 2024 ഏപ്രില് 15നുമിടയില് 20421 ബോണ്ടുകള് വാങ്ങിയപ്പോള് 18,871 ബോണ്ടുകള് രാഷ്ട്രീയ പാര്ട്ടികള് പണമാക്കിയെന്നും സത്യവാങ്മൂലത്തില് പറയുന്നു.
ആരൊക്കെ എത്രയൊക്കെ ബോണ്ടുകള് വാങ്ങിയെന്ന് തിരഞ്ഞെടുപ്പ് കമ്മീഷനെ അറിയിച്ചിട്ടുണ്ടെന്നും സത്യവാങ്മൂലത്തില് പറയുന്നു. ഏത് രാഷ്ട്രീയ പാർട്ടി എത്ര ബോണ്ടുകള് ഏതൊക്കെ രീതിയില് പണമാക്കിയിട്ടുണ്ടെന്നും ഇതില് വ്യക്തമാക്കിയിട്ടുണ്ട്. ഇത് സംബന്ധിച്ച എല്ലാ വിവരങ്ങളും വെള്ളിയാഴ്ച വൈകുന്നേരത്തിനകം തിരഞ്ഞെടുപ്പ് കമ്മീഷന് വെബ്സൈറ്റിലൂടെ പരസ്യപ്പെടുത്തണം എന്നാണ് സുപ്രീംകോടതിയുടെ നിര്ദേശം ഉണ്ടായത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20260317114153.jpg)
-11-20260113024610.webp)
-20201113035654.jpg)
