ഡൽഹി മദ്യ നയക്കേസ്; അഞ്ചാം തവണയും ഇഡിക്ക് മുന്നിൽ ഹാജരാകാതെ കെജ്രിവാൾ

FEBRUARY 2, 2024, 11:28 AM

ഡൽഹി മദ്യ നയക്കേസിൽ എൻഫോഴ്സ്മെന്റ് ഡയറക്ടറേറ്റിന്റെ സമൻസ് അഞ്ചാം തവണയും സ്വീകരിക്കാതെ ഡൽഹി മുഖ്യമന്ത്രി അരവിന്ദ് കെജ്രിവാൾ. അതേസമയം ആവർത്തിച്ചുള്ള സമൻസ് അദ്ദേഹത്തെ അറസ്റ്റ് ചെയ്യാനുള്ള ശ്രമമാണെന്ന് ആം ആദ്മി പാർട്ടി ആരോപിച്ചു.

അതേസമയം കഴിഞ്ഞ നാല് മാസത്തിനിടെ ഇത് അഞ്ചാം തവണയാണ് ഇഡി കെജ്‌രിവാളിന് നോട്ടീസ് അയക്കുന്നത്. നേരത്തെ നാല് തവണ അയച്ച സമൻസിലും കെജ്‌രിവാൾ ഇഡിക്ക് മുന്നിൽ ഹാജരായിരുന്നില്ല. സമൻസ് നിയമവിരുദ്ധമെന്നാണ് കെജ്രിവാൾ ആരോപിക്കുന്നത്. "തന്നെ അറസ്റ്റ് ചെയ്യുകയാണ് മോദി ജിയുടെ ലക്ഷ്യം. തന്നെ അറസ്റ്റു ചെയ്ത് ഡൽഹി സർക്കാരിനെ താഴെയിറക്കാനാണ് പ്രധാനമന്ത്രി ആഗ്രഹിക്കുന്നത്" എന്നും കെജ്‌രിവാൾ പ്രതികരിച്ചു.

എന്നാൽ ബിജെപിയുടെ ആഗ്രഹങ്ങൾ ഒന്നും സംഭവിക്കാൻ ഞങ്ങൾ ഒരിക്കലും അനുവദിക്കില്ലെന്നും കെജ്രിവാളിനെതിരായ നോട്ടീസുകളിൽ തങ്ങളുടെ നിയമ വിദഗ്ധർ പഠനം നടത്തുകയാണെന്നും എഎപി നേതാക്കൾ വ്യക്തമാക്കി.