ദര്‍ഭംഗ (ബിഹാര്‍): ബിഹാറിലെ ദര്‍ഭംഗയില്‍ ആറുവയസ്സുകാരിയെ ബലാത്സംഗം ചെയ്ത് കൊലപ്പെടുത്തി. ഒരു കുളത്തിന് സമീപം കുട്ടിയുടെ മൃതദേഹം കണ്ടെത്തിയതോടെയാണ് ഞെട്ടിക്കുന്ന കുറ്റകൃത്യം പുറംലോകമറിഞ്ഞത്. ശനിയാഴ്ച വൈകുന്നേരമാണ് കുട്ടി കാണാതായതെന്നും രാത്രി വൈകിയാണ് സംഭവം പുറത്തുവന്നതെന്നും പൊലീസ് അറിയിച്ചു.

സി.സി.ടി.വി ദൃശ്യങ്ങളുടെ അടിസ്ഥാനത്തില്‍  പ്രതിയെ പൊലീസ് അറസ്റ്റ് ചെയ്തതായി ഇന്ത്യ ടുഡേ റിപ്പോര്‍ട്ട് ചെയ്യുന്നു. കേസിന്റെ അന്വേഷണം പുരോഗമിക്കുകയാണെന്നും  പ്രത്യേക സംഘങ്ങളെയാണ് അന്വേഷണത്തിന് നിയോഗിച്ചിരിക്കുന്നതെന്നും പൊലീസ് വ്യക്തമാക്കി.

കുടുംബാംഗങ്ങളുടെ മൊഴി പ്രകാരം, കുട്ടി വൈകുന്നേരം വീട്ടില്‍നിന്ന് പുറത്തിറങ്ങി രണ്ടു കുട്ടികളോടൊപ്പം കളിക്കുകയായിരുന്നു. ഏറെ നേരം കഴിഞ്ഞിട്ടും കുട്ടി മടങ്ങിയെത്താതിരുന്നതോടെ ബന്ധുക്കള്‍ സമീപത്തെ വഴികളിലും തുറന്ന സ്ഥലങ്ങളിലും തിരച്ചില്‍ ആരംഭിച്ചു. സമയം നീളുകയും ഇരുട്ട് വീഴുകയും ചെയ്തതോടെ കുടുംബത്തിന്റെയും നാട്ടുകാരുടെയും ആശങ്ക ഭീതിയായി മാറുകയായിരുന്നു.

പിന്നാലെയാണ് സമീപത്തെ കുളത്തിനടുത്ത് കുട്ടിയുടെ മൃതദേഹം കണ്ടെത്തിയത്. സംഭവം പുറത്തുവന്നതോടെ പ്രദേശത്ത് ശക്തമായ പ്രതിഷേധം ഉടലെടുത്തിരിക്കുകയാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്