മഹാശിവരാത്രി ഘോഷയാത്രയ്ക്കിടെ വൻ അപകടം; 14 കുട്ടികൾക്ക് വൈദ്യുതാഘാതമേറ്റു

MARCH 8, 2024, 4:21 PM

രാജസ്ഥാൻ: കോട്ടയിൽ മഹാശിവരാത്രി ഘോഷയാത്രയ്ക്കിടെ വൻ അപകടമുണ്ടായതായി റിപ്പോർട്ട്. ഘോഷയാത്രയ്ക്കിടെ 14 കുട്ടികൾക്ക് വൈദ്യുതാഘാതമേറ്റു എന്നും രണ്ട് കുട്ടികളുടെ നില അതീവ ഗുരുതരാമാണെന്നും ആണ് പുറത്തു വരുന്ന വിവരം.

ഘോഷയാത്രയ്ക്കിടെ ഇരുമ്പ് പൈപ്പ് വൈദ്യുതി ലൈനിൽ സ്പർശിച്ചതാണ് അപകട കാരണമെന്നാണ് പുറത്തു വരുന്ന റിപ്പോർട്ട്. ആദ്യം ഷോക്കേറ്റ കുട്ടിയെ രക്ഷിക്കാൻ ശ്രമിക്കവേയാണ് മറ്റ് കുട്ടികൾക്ക് ഷോക്കേറ്റത്.

അതേസമയം രണ്ട് കുട്ടികൾക്ക് ഗുരുതരമായി പരിക്കേറ്റിട്ടുണ്ട്. ഇതിൽ ഒരാൾക്ക് 100 ശതമാനം പൊള്ളലേറ്റതായി ആരോഗ്യമന്ത്രി ഹീരാലാൽ നഗർ അറിയിച്ചു. പരിക്കേറ്റ കുട്ടികളെ എംബിഎസ് ആശുപത്രിയിൽ പ്രവേശിപ്പിച്ചിരിക്കുകയാണ്.