-20260119112050.webp)
ന്യൂഡൽഹി/മോസ്കോ: ഇന്ത്യയിൽ ആറ് ഉക്രെയ്ൻ പൗരന്മാർ പിടിയിലായ സംഭവത്തിൽ ഉക്രെയ്ൻ ഭരണകൂടത്തിനെതിരെ രൂക്ഷമായ പരിഹാസവുമായി റഷ്യ. മ്യാൻമറിൽ നിന്ന് അനധികൃതമായി ഇന്ത്യയിലേക്ക് കടന്ന ഇവരെ എൻ.ഐ.എ (NIA) പിടികൂടിയതിന് പിന്നാലെയാണ് ഇരു രാജ്യങ്ങളും തമ്മിലുള്ള വാക്പോര് മുറുകുന്നത്.
ഉക്രെയ്നിലെ "നവ-നാസി" സർക്കാർ തങ്ങളുടെ പൗരന്മാരുടെ സംശയാസ്പദമായ പ്രവർത്തനങ്ങൾ മൂടിവെക്കാൻ ശ്രമിക്കുകയാണെന്ന് റഷ്യൻ വിദേശകാര്യ മന്ത്രാലയ വക്താവ് മരിയ സഖരോവ കുറ്റപ്പെടുത്തി. ഇന്ത്യയുടെ ഭീകരവിരുദ്ധ നിയമങ്ങൾ ലംഘിച്ചതിനെക്കുറിച്ച് മിണ്ടാൻ തയ്യാറാകാത്ത ഉക്രെയ്ൻ വിദേശകാര്യ മന്ത്രാലയം, വാർത്തകൾ റിപ്പോർട്ട് ചെയ്ത ഇന്ത്യൻ-റഷ്യൻ മാധ്യമങ്ങൾക്കെതിരെ അടിസ്ഥാനരഹിതമായ ആരോപണങ്ങൾ ഉന്നയിക്കുകയാണെന്നും സഖരോവ പറഞ്ഞു.
ഈ അറസ്റ്റ് റഷ്യയുടെ രഹസ്യവിവരത്തെത്തുടർന്ന് നടന്നതാണെന്ന റിപ്പോർട്ടുകളെ ഉക്രെയ്ൻ എംബസി ഗൗരവത്തോടെയാണ് കാണുന്നത്. റഷ്യൻ ഇടപെടലിലൂടെ രാഷ്ട്രീയമായി ആസൂത്രണം ചെയ്ത ഒരു കേസാണിതെന്ന് സംശയിക്കുന്നതായി എംബസി പ്രസ്താവനയിൽ അറിയിച്ചു.
മാർച്ച് 13-നാണ് കൊൽക്കത്ത, ലഖ്നൗ, ഡൽഹി വിമാനത്താവളങ്ങളിൽ നിന്നായി ആറ് ഉക്രെയ്ൻ പൗരന്മാരെയും മാത്യു ആരോൺ വാൻഡൈക്ക് എന്ന അമേരിക്കൻ പൗരനെയും എൻ.ഐ.എ കസ്റ്റഡിയിലെടുത്തത്.
ഇവർ കൂലിപ്പട്ടാളക്കാരായി പ്രവർത്തിക്കുകയാണെന്നും മ്യാൻമറിലെ ജനാധിപത്യ അനുകൂല ഗ്രൂപ്പായ പി.ഡി.എഫിന് (PDF) പരിശീലനം നൽകുകയായിരുന്നുവെന്നുമാണ് ഉദ്യോഗസ്ഥരുടെ നിഗമനം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
ഇസ്രയേല്- ലെബനന് വെടിനിര്ത്തല് നിലവില്; സഹകരിക്കുമെന്ന് ഹിസ്ബുളള
'ഹോർമുസ് തുറക്കാൻ അന്താരാഷ്ട്ര സമ്മർദ്ദം ശക്തമാക്കണം'; ഫ്രാൻസുമായി ചർച്ച നടത്തി ഇന്ത്യ
വാഷിംഗ്ടൺ സന്ദർശനത്തിന് പിന്നാലെ അമേരിക്കയുടെ പിന്തുണയിൽ കൂടുതൽ ആത്മവിശ്വാസമെന്ന് ഉക്രെയ്ൻ ഉപപ്രധാനമന്ത്രി
അമേരിക്ക-ഇറാൻ സമാധാന ചർച്ചകളിൽ '100 ബില്യൺ ഡോളർ' ചോദ്യം; മരവിപ്പിച്ച ആസ്തികൾ വിട്ടുകിട്ടണമെന്ന്
-20250825090035.jpg)
-20260413101910.jpg)
-20201011060830.jpg)
-20260416072717.jpg)
-20260416040445.jpg)
