-20250729061647.jpg)
മസ്കറ്റ്: വര്ക്ക് പെര്മിറ്റ് (വീസ) കാലാവധി കഴിഞ്ഞും ഒമാനില് തുടരുന്ന പ്രവാസികള്ക്ക് പിഴയില്ലാതെ കരാര് പുതുക്കുന്നതിനുള്ള ഗ്രേസ് പിരീഡ് നീട്ടി. ഈ മാസം 31 അവസാനിക്കാനിരുന്ന ഇളവുകള് ഡിസംബര് 31 വരെ തുടരുമെന്ന് തൊഴില് മന്ത്രാലയം അറിയിച്ചു. ഏഴ് വര്ഷത്തില് കൂടുതലായുള്ള പിഴകളാണ് ഒഴിവാക്കി നല്കുക.
ആവശ്യമായ നടപടികള് പൂര്ത്തിയാക്കുന്നതിന് കൂടുതല് സമയം തേടി വ്യക്തികളും തൊഴിലുടമകളും തൊഴിലാളികളും മന്ത്രാലയത്തെ സമീപിച്ചതിന്റെ അടിസ്ഥാനത്തിലാണ് അഞ്ച് മാസം കൂടി സമയം അനുവദിച്ചിരിക്കുന്നത്.
പെര്മിറ്റ് പുതുക്കാത്തവര്ക്ക് പിഴകള് കൂടാതെ കരാര് റദ്ദാക്കി രാജ്യം വിടുന്നതിനും തങ്ങളുടെ പദവി സ്ഥിരപ്പെടുത്തി രാജ്യത്ത് തുടരാനും ശരിയായ സാഹചര്യത്തില് ജോലി ചെയ്യാനും മന്ത്രാലയം അനുവദിച്ച അധിക സമയം ഉപയോഗപ്പെടുത്താവുന്നതാണ്. അധികമായി അനുവദിച്ച സമയത്തിനുള്ളില് രേഖകള് ശരിപ്പെടുത്തി അടുത്ത രണ്ട് വര്ഷത്തേക്ക് തൊഴിലാളികള്ക്ക് വര്ക്ക് പെര്മിറ്റുകള് പുതുക്കാന് കഴിയും.
അതേസമയം തൊഴിലുടമ ഒരു തൊഴിലാളിയുടെ പെര്മിറ്റ് പുതുക്കി നല്കാന് ആഗ്രഹിക്കുന്നില്ലെങ്കില് അവരുടെ സേവനങ്ങള് അവസാനിപ്പിക്കാനും യാത്രാ ടിക്കറ്റ് നല്കാനും സാധിക്കും. നിലവിലുള്ള എല്ലാ പിഴകളും ഫീസുകളും അധിക ബാധ്യതകളും റദ്ദാക്കപ്പെടുമെന്നും തൊഴില് മന്ത്രാലയം അറിയിച്ചു. കൂടാതെ, 2017 ലും അതിനു മുമ്പും റജിസ്റ്റര് ചെയ്ത കുടിശികകള് അടയ്ക്കുന്നതില് നിന്ന് വ്യക്തികളെയും ബിസിനസ് ഉടമകളെയും ഒഴിവാക്കിയിട്ടുമുണ്ട്. 10 വര്ഷമായി പ്രവര്ത്തനരഹിതമായിരുന്ന ലേബര് കാര്ഡുകള് റദ്ദാക്കിയിട്ടുമുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-11-20260113024610.webp)
-20260317114146.jpg)
-20260317084817.jpg)
-20201011060830.jpg)
