ലണ്ടന്‍/റോം: ശ്വാസകോശ അര്‍ബുദത്തെ തുടര്‍ന്ന് ശസ്ത്രക്രിയയ്ക്ക് വിധേയനായ ശേഷം വിശ്വാസികളോട് നന്ദി അറിയിച്ച് ലിയോ പതിനാലാമന്‍ മാര്‍പ്പാപ്പ. റോമില്‍ നടന്ന ശസ്ത്രക്രിയയ്ക്ക് ശേഷമുള്ള തന്റെ ആദ്യ സന്ദേശത്തിലാണ് കത്തോലിക്കാ സഭയുടെ പരമാധ്യക്ഷന്‍ വിശ്വാസികളുടെ പ്രാര്‍ത്ഥനകള്‍ക്ക് നന്ദി പറഞ്ഞത്.
റോമിലെ ആശുപത്രിയില്‍ നടന്ന തൊണ്ണൂറു മിനിറ്റ് നീണ്ട ശസ്ത്രക്രിയയ്ക്കിടയിലാണ് മാര്‍പ്പാപ്പയ്ക്ക് ശ്വാസകോശ അര്‍ബുദം (പള്‍മണറി അഡെനോകാര്‍സിനോമ) സ്ഥിരീകരിച്ചത്. ഡോക്ടര്‍മാരുടെ നിര്‍ദ്ദേശപ്രകാരം അദ്ദേഹത്തിന്റെ ഒരു ശ്വാസകോശത്തിന്റെ താഴത്തെ ലോബ് നീക്കം ചെയ്യുകയുണ്ടായി. നിലവില്‍ അദ്ദേഹത്തിന്റെ ആരോഗ്യനില തൃപ്തികരമാണെന്നും സുഖം പ്രാപിച്ചുവരികയാണെന്നും ചികിത്സിച്ച ഡോക്ടര്‍മാര്‍ അറിയിച്ചു.
തന്റെ മുന്‍ഗാമിയായ ഫ്രാന്‍സിസ് മാര്‍പ്പാപ്പയുടെ 'അമോറിസ് ലെയ്റ്റിഷ്യ' എന്ന പ്രമാണരേഖയുടെ പത്താം വാര്‍ഷികത്തോടനുബന്ധിച്ച് നടന്ന സിമ്പോസിയത്തില്‍ പങ്കെടുക്കുന്ന വിശ്വാസികളെ അഭിസംബോധന ചെയ്തുകൊണ്ടാണ് മാര്‍പ്പാപ്പ സന്ദേശം അയച്ചത്. 'ഞാന്‍ നിങ്ങളോടൊപ്പം ഇല്ലാത്ത ഈ ദിവസങ്ങളില്‍ നിങ്ങള്‍ നല്‍കിയ പിന്തുണയ്ക്കും പ്രാര്‍ത്ഥനകള്‍ക്കും ഞാന്‍ ഹൃദയപൂര്‍വ്വം നന്ദി പറയുന്നു' എന്ന് അദ്ദേഹം സന്ദേശത്തില്‍ വ്യക്തമാക്കി.
ചികിത്സയുടെ ഭാഗമായി ഒക്ടോബര്‍ 20 വരെ മാര്‍പ്പാപ്പയുടെ എല്ലാ പൊതുപരിപാടികളും റദ്ദാക്കിയിട്ടുണ്ട്. എങ്കിലും അടുത്ത മാസം തെക്കേ അമേരിക്കയിലേക്ക് നടത്താന്‍ നിശ്ചയിച്ചിരിക്കുന്ന ഔദ്യോഗിക യാത്രയില്‍ അദ്ദേഹം പങ്കെടുക്കുമെന്നാണ് വക്താക്കള്‍ അറിയിക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260119112814.webp)
-20260603054738.jpg)
