മഞ്ഞുമ്മല്‍ ബോയ്സ് ടീം വീണ്ടും ഒരുമിക്കുന്നു

NOVEMBER 8, 2024, 8:48 AM

മഞ്ഞുമ്മല്‍ ബോയ്സ് ടീം വീണ്ടും ഒരുമിക്കുന്നു. ചിദംബരം സംവിധാനം ചെയ്യുന്ന ചിത്രത്തില്‍ സൗബിൻ ഷാഹിർ പ്രധാന വേഷത്തില്‍ എത്തുന്നു.

അടുത്തവർഷം ആദ്യം ചിത്രീകരണം ആരംഭിക്കാനാണ് തീരുമാനം. മഞ്ഞുമ്മല്‍ ബോയ്സിന്റെ ഭാഗമായവരില്‍ മിക്കവരും പുതിയ ചിത്രത്തിലും ഉണ്ടാകുമെന്നാണ് വിവരം.

പറവ ഫിലിംസിന്റെ ബാനറില്‍ ആണ് നിർമ്മാണം. അതേസമയം 25 കോടി മുടക്കിയ മഞ്ഞുമ്മല്‍ ബോയ്സ് തിയേറ്ററുകളില്‍ നിന്നുമാത്രം 240 കോടിയാണ് നേടിയത്.

സൗബിൻ ഷാഹിർ, ശ്രീനാഥ് ഭാസി, ബാലുവർഗീസ്, ഗണപതി, ലാല്‍ ജൂനിയർ, ദീപക് , അഭിറാം രാധാകൃഷ്ണൻ, അരുണ്‍ കുര്യൻ, ഖാലിദ് റഹ്മാൻ, ചന്ദു സലിംകുമാർ, വിഷ്ണുരഘു എന്നിവരാണ് പ്രധാന താരങ്ങള്‍.

അതേസമയം ചിദംബരം അഭിനയ രംഗത്തേക്കും പ്രവേശിച്ചു. കുഞ്ചാക്കോ ബോബൻ നായകനായി രതീഷ് ബാലകൃഷ്ണൻ പൊതുവാള്‍ രചനയും സംവിധാനവും നിർവഹിക്കുന്ന ഒരു ദുരൂഹ സാഹചര്യത്തില്‍ എന്ന ചിത്രത്തിലൂടെയാണ് അഭിനയ അരങ്ങേറ്റം.ദിലീഷ് പോത്തൻ, സജിൻ ഗോപു, ജാഫർ ഇടുക്കി, ശരണ്യ ആർ തുടങ്ങിയവരാണ് മറ്റു താരങ്ങള്‍.