ഒട്ടാവ: കാനഡയിലെ കുറഞ്ഞതും മിതമായതുമായ വരുമാനമുള്ള സാധാരണക്കാര്ക്ക് വലിയ ആശ്വാസമേകി പുതിയ 'കാനഡ ഗ്രോസറീസ് ആന്ഡ് എസന്ഷ്യല്സ് ബെനിഫിറ്റ്' തുക ജൂലൈ 3 മുതല് വിതരണം ചെയ്തുതുടങ്ങും. മുന്പുണ്ടായിരുന്ന ജിഎസ്ടി/എച്ച്എസ്ടി ക്രെഡിറ്റിന് പകരമായി സര്ക്കാര് കൊണ്ടുവന്ന ഈ പുതിയ ആനുകൂല്യത്തിന്റെ ആദ്യ ഗഡുവാണ് ജൂലൈ 3 വെള്ളിയാഴ്ച യോഗ്യരായ ആളുകളുടെ ബാങ്ക് അക്കൗണ്ടുകളില് നേരിട്ടെത്തുന്നത്.
പാര്ലമെന്റ് പാസാക്കിയ ബില് സി-19 പ്രകാരം ആനുകൂല്യ തുകയില് 25 ശതമാനത്തിന്റെ വര്ദ്ധനവാണ് വരുത്തിയിട്ടുള്ളത്. അടുത്ത അഞ്ച് വര്ഷത്തേക്ക് ഈ വര്ദ്ധിപ്പിച്ച നിരക്കിലുള്ള സാമ്പത്തിക സഹായം കാനഡക്കാര്ക്ക് ലഭിക്കും. ഈ പുതിയ പദ്ധതി വഴി ഒറ്റയ്ക്ക് താമസിക്കുന്ന ഒരു വ്യക്തിക്ക് പ്രതിവര്ഷം പരമാവധി 679 ഡോളര് വരെയും വിവാഹിതരായ ദമ്പതികള്ക്ക് 890 ഡോളര് വരെയും ലഭിക്കാന് അര്ഹതയുണ്ട്. നാല് കുട്ടികളുള്ള കുടുംബങ്ങള്ക്കാകട്ടെ വര്ഷത്തില് പരമാവധി 1,826 ഡോളര് വരെ ഈ ആനുകൂല്യത്തിലൂടെ സ്വന്തമാക്കാന് സാധിക്കും. ഈ തുക ഒന്നിച്ച് നല്കുന്നതിന് പകരം വര്ഷത്തില് നാല് ഗഡുക്കളായാണ് കാനഡ റവന്യൂ ഏജന്സി ജനങ്ങളിലേക്ക് എത്തിക്കുന്നത്.
മൂന്നാം തിയതിയിലെ പേയ്മെന്റിന് ശേഷം ഒക്ടോബര് 5, ജനുവരി 5, ഏപ്രില് 2 എന്നീ തീയതികളിലാണ് അടുത്ത ഗഡുക്കള് വിതരണം ചെയ്യുക. എന്നാല് ഒരു ക്വാര്ട്ടറില് ലഭിക്കുന്ന തുക 50 ഡോളറില് താഴെയാണെങ്കില് അത് ഗഡുക്കളായി നല്കാതെ ജൂലൈ മാസത്തില് ഒറ്റത്തവണയായി മുഴുവന് തുകയും അക്കൗണ്ടില് നിക്ഷേപിക്കുന്നതായിരിക്കും.
കാനഡയില് ടാക്സ് ആവശ്യങ്ങള്ക്കായി റസിഡന്റ് പദവിയുള്ളവരും 19 വയസ്സ് പൂര്ത്തിയായവരുമായ നിശ്ചിത വരുമാന പരിധിയിലുള്ള എല്ലാവര്ക്കും ഈ തുക ലഭിക്കും. ഇതിനായി പൊതുജനങ്ങള് പ്രത്യേകം അപേക്ഷ സമര്പ്പിക്കേണ്ട ആവശ്യമില്ല. വ്യക്തികള് സമര്പ്പിച്ച മുന്വര്ഷത്തെ ടാക്സ് റിട്ടേണ് പരിശോധിച്ച് യോഗ്യതയുള്ളവരെ കാനഡ റവന്യൂ ഏജന്സി തന്നെ നേരിട്ട് കണ്ടെത്തുകയും പണം സ്വയമേവ അക്കൗണ്ടുകളിലേക്ക് അയക്കുകയും ചെയ്യും. കഴിഞ്ഞ ജൂണ് 5 ന് ലഭിച്ച വണ്-ടൈം പ്രത്യേക ബോണസ് തുക കൂടി കണക്കിലെടുക്കുമ്പോള് ഈ വര്ഷം ഒരു സാധാരണ കുടുംബത്തിന് 1,890 ഡോളര് വരെയും ഒറ്റയ്ക്കുള്ള വ്യക്തികള്ക്ക് 950 ഡോളര് വരെയും ആകെ സഹായമായി ലഭിക്കുമെന്നാണ് ധനകാര്യ മന്ത്രാലയം വ്യക്തമാക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260702034637.jpg)
-20260702034133.jpg)
-20260702032348.jpg)
-20260630114300.jpg)
-20260630113826.jpg)
-20260113030115.webp)
-20260320091758.webp)
-20260113030115.webp)
