മൂന്ന് വർഷം മുമ്പ് റഷ്യ യുക്രൈനിനെതിരെ പൂർണ തോതിലുള്ള അധിനിവേശം ആരംഭിച്ചതിനു ശേഷം ഇരു രാജ്യങ്ങളിലെയും ഉന്നത ഉദ്യോഗസ്ഥർ തമ്മിലുള്ള ആദ്യത്തെ നേരിട്ടുള്ള ചർച്ച ഇക്കഴിഞ്ഞ ദിവസം നടന്നു. താൻ സെലൻസ്‌കിയെ കാണാൻ തയാറാണെന്ന് വ്‌ലാഡിമിർ പുടിൻ പറയുകയും ചെയ്തിരിക്കുന്നു.

2022ൽ റഷ്യയുടെ പൂർണ്ണ തോതിലുള്ള അധിനിവേശത്തിനുശേഷം, യുക്രെയ്‌നിനെതിരായ യുദ്ധം മൂലം ഇരുരാജ്യത്തേയും പൗരന്മാരുടെ ജീവിതത്തിൽ വിനാശകരമായ പ്രത്യാഘാതങ്ങൾ സൃഷ്ടിച്ചു, ആയിരക്കണക്കിന് സാധാരണക്കാരെ കൊന്നൊടുക്കുകയും ആയിരക്കണക്കിന് പേർക്ക് പരിക്കേൽക്കുകയും  പൗരന്മാരുടെ സ്വത്തുക്കളും അടിസ്ഥാന സൗകര്യങ്ങളും നശിപ്പിക്കുകയും ചെയ്തിരുന്നു. വീടുകളെയും ആരോഗ്യ സംരക്ഷണ, വിദ്യാഭ്യാസ സൗകര്യങ്ങളെയും ആക്രമിച്ച യുക്രൈന്റെ പ്രവിശ്യകളിൽ വിവേചനരഹിതവും അനുപാതമില്ലാത്തതുമായ ബോംബാക്രമണവും ഷെല്ലാക്രമണവും ഉൾപ്പെടെ നിരവധി അന്താരാഷ്ട്ര മാനുഷിക നിയമ ലംഘനങ്ങൾ റഷ്യൻ സൈന്യം നടത്തി. 

ഈ ആക്രമണങ്ങളിൽ ചിലത് യുദ്ധക്കുറ്റങ്ങളായി കണ്ട് അന്വേഷിക്കണം. അവർ കൈവശപ്പെടുത്തിയ പ്രദേശങ്ങളിൽ, റഷ്യൻ അല്ലെങ്കിൽ റഷ്യൻ അനുബന്ധ സേനകൾ പീഡനം, സംക്ഷിപ്ത വധശിക്ഷകൾ, ലൈംഗിക അതിക്രമങ്ങൾ, നിർബന്ധിത തിരോധാനങ്ങൾ, സാംസ്‌കാരിക സ്വത്ത് കൊള്ളയടിക്കൽ എന്നിവയുൾപ്പെടെ വ്യക്തമായ യുദ്ധ കുറ്റകൃത്യങ്ങൾ ചെയ്തു. പോരാട്ട മേഖലകളിൽ നിന്ന് പലായനം ചെയ്യാൻ ശ്രമിച്ചവർക്ക് ഭയാനകമായ അഗ്‌നിപരീക്ഷകളും നിരവധി തടസ്സങ്ങളും നേരിടേണ്ടിവന്നു; ചില സന്ദർഭങ്ങളിൽ, റഷ്യൻ സൈന്യം ഗണ്യമായ എണ്ണം യുക്രേനിയക്കാരെ റഷ്യയിലേക്കോ യുക്രെയ്‌നിലെ റഷ്യൻ അധിനിവേശ പ്രദേശങ്ങളിലേക്കോ നിർബന്ധിതമായി മാറ്റി, യുക്രെയ്‌നിന്റെ ഭൗതിക സമ്പത്തിനും മറ്റ് നിർണായക അടിസ്ഥാന സൗകര്യങ്ങൾക്കും നേരെയുള്ള റഷ്യൻ സേനയുടെ രാജ്യവ്യാപകമായുള്ള ആവർത്തിച്ചുള്ള ആക്രമണങ്ങൾ സാധാരണക്കാരെ ഭയപ്പെടുത്തുന്നതിനും അവരുടെ ജീവിതം ദുഷ്‌കരമാക്കുന്നതിനും ലക്ഷ്യമിട്ടുള്ളതായിരുന്നു, 

ഇത് ഒരു യുദ്ധക്കുറ്റമാണ്.തീർന്നില്ല, റഷ്യൻ പ്രതിരോധ മന്ത്രാലയം യുക്രെയ്‌നിൽ പോരാടുന്നതിനായി തടവുകാരെ ഒട്ടേറെ തടവുകാരെ  റിക്രൂട്ട് ചെയ്തുകാണ്ടിരുന്നു. ഈ രീതി ആദ്യമായി സ്വീകരിച്ച വാഗ്‌നർ കൂലിപ്പടയാളികളുടെ ഗ്രൂപ്പിൽ നിന്ന് ഒരു ഘട്ടത്തിൽ അത് ഏറ്റെടുത്തത്തിരുന്നു. അത്തരം സൈനിക യൂണിറ്റുകൾ സാധാരണയായി സ്റ്റോംദ എന്നറിയപ്പെടുന്നു, വ്‌ളാഡിമിർ പുടിന്റെ യുക്രെയ്‌നിനെതിരായ 'പ്രത്യേക സൈനിക നടപടി' എന്നറിയപ്പെടുന്നതിന്റെ പ്രതീകങ്ങളിലൊന്നാണ് ദ എന്ന അക്ഷരം. 'ലസ' അല്ലെങ്കിൽ 'തടവുകാരൻ' എന്ന റഷ്യൻ പദത്തിന്റെ ആദ്യ അക്ഷരം കൂടിയാണിത്.

സ്റ്റോംഇസഡ് എന്ന പേര് അനൗദ്യോഗികമാണ്, യുക്രെയ്‌നിന്റെ വിവിധ ഭാഗങ്ങളിൽ സജീവമായി പ്രവർത്തിക്കുന്ന റഷ്യൻ സൈനിക യൂണിറ്റുകൾ ഏറെയുണ്ടായിരുന്നു. വാഗ്‌നറുടെ തടവുകാരുടെ യൂണിറ്റുകളെപ്പോലെ, സ്റ്റോംഇസഡ് ഡിറ്റാച്ച്‌മെന്റുകളെ പലപ്പോഴും യുദ്ധത്തിലേക്ക് വലിച്ചിഴയ്ക്കപ്പെട്ടു.  യുദ്ധതന്ത്രങ്ങളൊന്നും വശമില്ലാത്ത ഇവർ പലപ്പോഴും ബോംബിന് ഇരയാകുകയാണുണ്ടായിട്ടുള്ളത്. ഈ കൂലികളായ സൈനികരുടെ ജീവന് ഒരു വിലയും റഷ്യ നൽകിയിരുന്നില്ല. അനുസരണക്കേട് അല്ലെങ്കിൽ മദ്യപാനം പോലുള്ള നിയമലംഘനങ്ങൾക്ക് ശിക്ഷയായി മറ്റ് സൈനിക യൂണിറ്റുകളിലെ അംഗങ്ങളെ സ്റ്റോംഇസഡ് ഡിറ്റാച്ച്‌മെന്റുകളിലേക്ക് അയയ്ക്കുകയാണുണ്ടായിട്ടുള്ളത്. 

വാഗ്‌നറുടെ പങ്ക്

പലപ്പോഴായി യുക്രെയ്‌നിൽ പതിനായിരക്കണക്കിന് റഷ്യൻ സൈനികർ കൊല്ലപ്പെട്ടതിനെത്തുടർന്ന്, 'പുടിന്റെ ഷെഫ്' എന്നറിയപ്പെടുന്ന വാഗ്‌നർ മേധാവി യെവ്‌ജെനി പ്രിഗോഷിന് ജയിലുകളിൽ റിക്രൂട്ട് ചെയ്യാൻ അനുമതി ലഭിച്ചു. യുക്രെയ്‌നിൽ വാഗ്‌നറിനുവേണ്ടി ആറുമാസത്തെ പോരാട്ടത്തിനുശേഷം  അവർ അതിജീവിച്ചാൽ ശിക്ഷിക്കപ്പെട്ട കുറ്റവാളികൾക്ക് സ്വതന്ത്രരായി വീട്ടിലേക്ക് പോകാൻ കഴിയുമെന്നും, അവരുടെ ശിക്ഷകൾ നീക്കം ചെയ്യപ്പെടുമെന്നും വാഗ്ദാനം ചെയ്യാൻ അദ്ദേഹം നേരിട്ട് നിരവധി ജയിലുകൾ സന്ദർശിക്കുകയുണ്ടായി. പരിചയസമ്പന്നരായ കൂലിപ്പടയാളികളെയും കുറ്റവാളികളെയും നിയമിച്ച സംഘം, കിഴക്കൻ യുക്രേനിയൻ പട്ടണമായ ബഖ്മുട്ട് പോലുള്ള സ്ഥലങ്ങളിൽ കഴിവുള്ള ഒരു പോരാട്ട ശക്തിയാണെന്ന് തെളിയിച്ചു.

എന്നാൽ പിന്നീട് വാഗ്‌നർ റഷ്യയിലെ ഉന്നത ഉദ്യോഗസ്ഥർക്കെതിരായ തന്റെ വിമർശനം പരസ്യമായി പ്രകടിപ്പിക്കാൻ തുടങ്ങി, യഥാർഥ പട്ടാളക്കാരുടെ കഴിവില്ലായ്മയെ കടുത്ത ഭാഷയിലാണ് വാഗ്‌നർ വിമർശിച്ചത്. ഒരു ഹ്രസ്വകാല കലാപം നടത്തി രണ്ട് മാസത്തിന് ശേഷം, 2023 ഓഗസ്റ്റിൽ വാഗ്‌നറുടെ മറ്റ് ഉന്നത കമാൻഡർമാരോടൊപ്പം പ്രിഗോജിൻ ഒരു വിമാനാപകടത്തിൽ മരിക്കുകയും ചെയ്തു. ഇതിന്റെ പിന്നിലെ കള്ളക്കളി ലോകത്തിന് പിടികിട്ടുകയും ചെയ്തു. ഇങ്ങനെ യുദ്ധം അനന്തമായി നീണ്ടാൽ അത് വലിയ പ്രശ്‌നങ്ങളിലേക്ക് നീങ്ങുമെന്നുള്ള തിരിച്ചറിവുതന്നെയാണ്. ഇങ്ങനെ ഒരു മനം മാറ്റത്തിന് പുടിനെ പ്രേരിപ്പിച്ചതെന്നു കരുതാം.

എന്തായാലും ഇപ്പോൾ യുക്രെയ്ൻ പ്രസിഡന്റ്  സെലൻസ്‌കിയുമായി ചർച്ചയ്ക്ക് സമ്മതം അറിയിച്ചു റഷ്യൻ പ്രസിഡന്റ് വ്‌ലാഡിമിർ പുടിൻ. സൗദി അറേബ്യയിലെ റിയാദിൽ ഉഭയകക്ഷിബന്ധം മെച്ചപ്പെടുത്തൽ, യുക്രെയ്ൻ യുദ്ധം അവസാനിപ്പിക്കാനുള്ള സാധ്യത തുടങ്ങിയ കാര്യങ്ങൾ ചർച്ച ചെയ്യുന്നതിനായി യുഎസ്, റഷ്യൻ പ്രതിനിധികൾ നടത്തിയ കൂടിക്കാഴ്ചയിലാണു റഷ്യയുടെ പ്രതിനിധി ഇക്കാര്യം അറിയിച്ചത്.

യുഎസ് സ്റ്റേറ്റ് സെക്രട്ടറി മാർക്കോ റുബിയോയും റഷ്യൻ പ്രതിരോധ മന്ത്രി സെർജി ലാവ്‌റോവും ഉൾപ്പെടെ പ്രമുഖരാണു റിയാദിലെ യോഗത്തിൽ പങ്കെടുത്തത്. 2008ൽ നാറ്റോയുടെ ബുക്കാറസ്റ്റ് ഉച്ചകോടിയിൽ യുക്രൈൻ സംഘടനയിൽ അംഗമാകുമെന്ന് നൽകിയ വാഗ്ദാനം നാറ്റോ നിരാകരിക്കണമെന്നാണ് റഷ്യയുടെ പ്രധാന ആവശ്യം. സമാധാനം ലളിതമായ വെടിനിർത്തൽ മാത്രം ആകരുതെന്നും, യുക്രൈനിൽ സമഗ്രവും നീതിയുക്തവും നിലനിൽക്കുന്നതുമായ സമാധാനവും യൂറോപ്പിലെ സുരക്ഷയും ഉറപ്പാക്കുന്ന കരാറാണ് ഇന്നിപ്പോൾ വേണ്ടത്.

എമ എൽസ എൽവിൻ

ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക. ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1