രണ്ടാം ലോകമഹായുദ്ധത്തിന് ശേഷമുള്ള ഏറ്റവും സങ്കീര്ണ്ണമായ സുരക്ഷാ വെല്ലുവിളികളിലൂടെയാണ് കിഴക്കന് ഏഷ്യ കടന്നുപോകുന്നത്. മേഖലയിലെ ഭൗമരാഷ്ട്രീയ പിരിമുറുക്കങ്ങള് വര്ദ്ധിപ്പിച്ചുകൊണ്ട് രണ്ട് സുപ്രധാന സംഭവ വികാസങ്ങളാണ് ഒരേസമയം റിപ്പോര്ട്ട് ചെയ്യപ്പെട്ടിരിക്കുന്നത്. വിദേശ ഭീഷണികളെ നേരിടാന് ജപ്പാന് തങ്ങളുടെ ചാര സംഘടനകളെ ഒരു കുടക്കീഴില് കൊണ്ടുവരുന്ന പുതിയ സുരക്ഷാ നിയമം പാസാക്കിയപ്പോള്, തദ്ദേശീയമായി വികസിപ്പിച്ച ആര്ട്ടിഫിഷ്യല് ഇന്റലിജന്സ് നിയന്ത്രിത മിസൈലുകള് പരീക്ഷിച്ച് ഉത്തര കൊറിയ ശക്തി പ്രകടനത്തിന് പുതിയ മുഖം നല്കിയിരിക്കുന്നു.
ഇന്റലിജന്സ് സ്റ്റേറ്റ് ആകാന് ജപ്പാന്
പ്രതിരോധ മേഖലയില് തങ്ങളുടെ പരമ്പരാഗത ശാന്തനയം പൂര്ണ്ണമായി ഉപേക്ഷിക്കുന്നതിന്റെ ഭാഗമായി, നാഷണല് ഇന്റലിജന്സ് കൗണ്സില് രൂപീകരിക്കുന്നതിനുള്ള നിര്ണായക ബില് ഇന്ന് ജപ്പാന് പാര്ലമെന്റിന്റെ ഉപരിസഭ പാസാക്കി. പ്രധാനമന്ത്രി സനായ് താകൈച്ചി തന്റെ ഭരണകൂടത്തിന്റെ ഏറ്റവും വലിയ നയപരമായ ചുവടുവെപ്പായാണ് ഇതിനെ വിശേഷിപ്പിച്ചത്.
നിലവില് ക്യാബിനറ്റ് ഇന്റലിജന്സ് ഓഫീസ്, വിദേശകാര്യ മന്ത്രാലയം, പ്രതിരോധ മന്ത്രാലയം, നാഷണല് പൊലീസ് ഏജന്സി എന്നിവയ്ക്കിടയില് ചിതറിക്കിടക്കുന്ന ഇന്റലിജന്സ് സംവിധാനങ്ങളെ ഇനി മുതല് ഈ പുതിയ കൗണ്സില് നേരിട്ട് ഏകോപിപ്പിക്കും. പ്രധാനമന്ത്രി അധ്യക്ഷനായ കൗണ്സിലിന്റെ കീഴില് ഒരു 'നാഷണല് ഇന്റലിജന്സ് ബ്യൂറോ' പ്രവര്ത്തന സജ്ജമാകും.
ചൈനയുമായുള്ള തായ്വാന് തര്ക്കവും വിദേശ ചാരന്മാരുടെ കടന്നുകയറ്റവും തടയാന് ഇന്റലിജന്സ് വിവരങ്ങള് തത്സമയം വിശകലനം ചെയ്യേണ്ടതുണ്ടെന്നാണ് ജപ്പാന്റെ വാദം. ജപ്പാനെ ഒരു 'ചാരന്മാരുടെ സ്വര്ഗ്ഗമായി' വിശേഷിപ്പിച്ചിരുന്ന പഴയ അവസ്ഥ മാറ്റുകയാണ് ലക്ഷ്യം. അതേസമയം പുതിയ നിയമത്തിനെതിരെ ജപ്പാനിലെ മനുഷ്യാവകാശ സംഘടനകളും പ്രതിപക്ഷ കക്ഷികളും കടുത്ത പ്രതിഷേധവുമായി രംഗത്തെത്തിയിട്ടുണ്ട്. പാര്ലമെന്ററി മേല്നോട്ടമില്ലാതെ വിവരങ്ങള് പ്രധാനമന്ത്രിയിലേക്ക് കേന്ദ്രീകരിക്കുന്നത് പൗരന്മാരുടെ സ്വകാര്യതയിലേക്കുള്ള കടന്നുകയറ്റത്തിന് കാരണമാകുമെന്ന് അവര് ഭയപ്പെടുന്നു.
രണ്ടാം ലോകമഹായുദ്ധ കാലത്ത് ജനങ്ങളെ നിരീക്ഷിച്ചിരുന്ന 'ടോക്കോ' എന്ന കുപ്രസിദ്ധ രഹസ്യ പൊലീസ് സംവിധാനത്തിന്റെ തിരിച്ചുവരവാണിതെന്ന് ടോക്കിയോയില് നടന്ന റാലികളില് പ്രതിഷേധക്കാര് ആരോപിച്ചു.
ഉത്തര കൊറിയയുടെ എഐ ഗൈഡഡ് ക്രൂസ് മിസൈല്
ജപ്പാന്റെ നീക്കങ്ങള്ക്ക് മറുപടിയെന്നോണം, കൃത്യമായ നാവിഗേഷനും ലക്ഷ്യ സ്ഥാനങ്ങള് സ്വയം തിരിച്ചറിയാനും സാധിക്കുന്ന ആര്ട്ടിഫിഷ്യല് ഇന്റലിജന്സ് ഗൈഡഡ് ക്രൂസ് മിസൈലുകളുടെ വന് പരീക്ഷണം ഉത്തര കൊറിയ ഇന്ന് വിജയകരമായി പൂര്ത്തിയാക്കി. കൊറിയന് ഭരണാധികാരി കിം ജോങ് ഉന്നിന്റെ നേരിട്ടുള്ള മേല്നോട്ടത്തിലായിരുന്നു പരീക്ഷണം.
പുതിയ എ.ഐ നിയന്ത്രിത മിസൈലുകള്ക്ക് ദക്ഷിണ കൊറിയന് അതിര്ത്തിയില് നിന്നും 100 കിലോമീറ്റര് അകലെയുള്ള ലക്ഷ്യ സ്ഥാനങ്ങളെ കൃത്യമായി തകര്ക്കാന് ശേഷിയുണ്ടെന്ന് ഉത്തര കൊറിയന് വാര്ത്താ ഏജന്സിയായ കെസിഎന്എ സ്ഥിരീകരിച്ചു. ദക്ഷിണ കൊറിയയുടെ തലസ്ഥാനമായ സോള് ഈ പരിധിക്കുള്ളിലാണ് വരുന്നത്. ലക്ഷ്യസ്ഥാനത്തെക്കുറിച്ചുള്ള തത്സമയ ഡാറ്റ മാപ്പ് ചെയ്യാനും ലോക്ക് ചെയ്യാനും മിസൈലുകളില് എ.ഐ സാങ്കേതിക വിദ്യ ആദ്യമായി ഉപയോഗിച്ചതായി സൈനിക വിദഗ്ധര് വിലയിരുത്തുന്നു.
ക്രൂസ് മിസൈലുകള്ക്ക് പുറമെ, പുതിയ ലൈറ്റ് മള്ട്ടി-പര്പ്പസ് മിസൈല് ലോഞ്ചറുകളും 240 എം.എം ഗൈഡഡ് റോക്കറ്റുകളും കൊറിയന് ഉപദ്വീപിന്റെ പടിഞ്ഞാറന് കടലിലേക്ക് തൊടുത്തുവിട്ടുകൊണ്ട് തങ്ങളുടെ പരമ്പരാഗത യുദ്ധ ശേഷിയും ഉത്തര കൊറിയ പ്രദര്ശിപ്പിച്ചു. കിഴക്കന് ഏഷ്യയിലെ ഈ ഇരട്ട നീക്കങ്ങള് ഇന്ത്യ ഉള്പ്പെടെയുള്ള ഇന്ഡോ-പസഫിക് രാജ്യങ്ങളെയും ക്വാഡ് സഖ്യത്തെയും കൂടുതല് ജാഗരൂകരാക്കുന്നു.
ചൈനയുടെ പിന്തുണ
ഈ ആഴ്ച നടന്ന ക്വാഡ് വിദേശകാര്യ മന്ത്രിമാരുടെ യോഗത്തില് ജപ്പാന് തങ്ങളുടെ ഇന്റലിജന്സ് പങ്കിടല് ശൃംഖല കൂടുതല് ശക്തമാക്കാന് താല്പര്യം പ്രകടിപ്പിച്ചു. റഷ്യ-ചൈന കൂട്ടുകെട്ടിന്റെ പിന്തുണയോടെയാണ് ഉത്തര കൊറിയ ആയുധങ്ങള് നവീകരിക്കുന്നത്. ചൈനീസ് പ്രസിഡന്റ് ഷി ജിന്പിങ് ഈ ആഴ്ച ഉത്തര കൊറിയ സന്ദര്ശിക്കുമെന്ന റിപ്പോര്ട്ടുകളും പുറത്തുവരുന്നുണ്ട്. ജപ്പാന്റെ ശക്തമായ 'കൗണ്ടര് ഇന്റലിജന്സ്' നീക്കങ്ങളും ഉത്തര കൊറിയയുടെ അത്യാധുനിക എ.ഐ ആയുധ ശേഖരവും ഏഷ്യന് ഉപദ്വീപിലെ ശീതയുദ്ധം കൂടുതല് സങ്കീര്ണ്ണവും ഡിജിറ്റലുമാക്കും എന്നതിന്റെ വ്യക്തമായ സൂചനയാണ് ഈ സംഭവവികാസങ്ങള് നല്കുന്നത്.
ജിജി ജേക്കബ്ബ്
ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക
Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക.
ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1
-20250409094740.jpg)
