കൃത്രിമബുദ്ധി ഗവേഷണത്തിന് 2.4 ബില്യൺ ഡോളറിന്റെ വൻ പദ്ധതിയുമായി ട്രംപ് ഭരണകൂടം

OCTOBER 8, 2026, 12:17 PM

അമേരിക്കയിലെ നിർണായക ശാസ്ത്ര ഗവേഷണങ്ങൾക്കും സാങ്കേതിക വികസനങ്ങൾക്കും വൻ ഉത്തേജനം നൽകാനൊരുങ്ങി അമേരിക്കൻ പ്രസിഡന്റ് ഡൊണാൾഡ് ട്രംപ്. കൃത്രിമബുദ്ധി അഥവാ ആർട്ടിഫിഷ്യൽ ഇന്റലിജൻസ് അധിഷ്ഠിത ഗവേഷണങ്ങൾക്കായി 2.4 ബില്യൺ ഡോളറിന്റെ സാമ്പത്തിക വാഗ്ദാനം വൈറ്റ് ഹൗസ് പ്രഖ്യാപിച്ചു. ലോകത്തിലെ മുൻനിര ടെക്നോളജി ഭീമന്മാരുമായി സഹകരിച്ചാണ് ഈ വൻതുക കണ്ടെത്തുന്നത്.

യുഎസ് ഫെഡറൽ ഏജൻസികളുടെയും ഗവേഷണ സ്ഥാപനങ്ങളുടെയും എഐ അധിഷ്ഠിത പ്ര പ്രവർത്തനങ്ങൾ ലക്ഷ്യമിട്ടാണ് പുതിയ പ്രഖ്യാപനം. പ്രമുഖ ആഗോള സാങ്കേതിക വിദ്യാ കമ്പനികളായ എൻവിഡിയ, എഎംഡി, ഓപ്പൺഎഐ, ആന്ത്രോപിക്, ഗൂഗിൾ എന്നിവയുൾപ്പെടെയുള്ള സ്ഥാപനങ്ങൾ പദ്ധതിയിൽ പങ്കാളികളാകും. ഈ കമ്പനികൾ ഗവേഷണ ആവശ്യങ്ങൾക്കായി സൂപ്പർ കമ്പ്യൂട്ടിങ് സൗകര്യങ്ങളും സാങ്കേതിക പിന്തുണയും ലഭ്യമാക്കും.

ജനസിസ് മിഷൻ കൺസോർഷ്യത്തിന്റെ കീഴിലാണ് ഈ പദ്ധതിയെന്ന് വൈറ്റ് ഹൗസ് അധികൃതർ വ്യക്തമാക്കി. പതിനഞ്ചിലധികം ഫെഡറൽ ഏജൻസികൾക്ക് ഊർജ്ജം, ആരോഗ്യം, ബഹിരാകാശം തുടങ്ങി നിരവധി മേഖലകളിൽ പുതിയ ഗവേഷണങ്ങൾ നടത്താൻ ഈ സഹായം ലഭിക്കും. എൻവിഡിയ ഒരു ബില്യൺ ഡോളറും എഎംഡി അഞ്ഞൂറ് മില്യൺ ഡോളറും പദ്ധതിക്കായി നീക്കിവെക്കും.

ഓപ്പൺഎഐ ഇരുന്നൂറ് മില്യൺ ഡോളറിന്റെ പിന്തുണ നൽകുമ്പോൾ ആന്ത്രോപിക്, ഗൂഗിൾ എന്നിവർ അൻപത് മില്യൺ ഡോളർ വീതവും സംഭാവന ചെയ്യും. എഐ ഗവേഷണ രംഗത്ത് യുഎസിന്റെ മുൻതൂക്കം നിലനിർത്താനാണ് പ്രസിഡന്റ് ഡൊണാൾഡ് ട്രംപ് ശ്രമിക്കുന്നത്. വിദ്യാർത്ഥികൾക്കും ഗവേഷകർക്കും വിപുലമായ സാങ്കേതിക വിഭവങ്ങൾ ലഭ്യമാക്കാൻ ഇത് സഹായിക്കും.

ദേശീയ സുരക്ഷ ഉറപ്പാക്കുന്നതിനും പുതിയ സാങ്കേതിക കണ്ടെത്തലുകൾ വേഗത്തിലാക്കുന്നതിനും ഈ ഫണ്ട് പ്രയോജനപ്പെടുത്തും. ടെക്നോളജി മേഖലയിൽ സ്വകാര്യ പങ്കാളിത്തം ഉറപ്പാക്കുന്ന ട്രംപ് ഭരണകൂടത്തിന്റെ പുതിയ നയം വൻ സ്വീകാര്യതയാണ് നേടുന്നത്. സർവകലാശാലകൾക്കും ഗവേഷണ കേന്ദ്രങ്ങൾക്കും അത്യാധുനിക എഐ ടൂളുകൾ ഇനി സൗജന്യമായി അല്ലെങ്കിൽ കുറഞ്ഞ ചെലവിൽ ലഭ്യമാകും.

ശാസ്ത്ര സാങ്കേതിക രംഗത്ത് ആഗോളതലത്തിൽ അമേരിക്ക ഒന്നാമത് തന്നെ തുടരുമെന്ന് ട്രംപ് ഭരണകൂടം ആവർത്തിച്ചു. ആഗോള വിപണിയിൽ ചൈന ഉയുർത്തുന്ന സാങ്കേതിക വെല്ലുവിളികളെ ചെറുക്കാനും ഈ പുതിയ എഐ നിക്ഷേപങ്ങൾ അമേരിക്കയ്ക്ക് സഹായകരമാകും. ലോകമെമ്പാടുമുള്ള സാങ്കേതിക വിദഗ്ധർ ഈ ചരിത്രപ്രധാനമായ നീക്കത്തെ പ്രതീക്ഷയോടെയാണ് നോക്കിക്കാണുന്നത്.

സൂപ്പർ ഇന്റലിജൻസ് സാങ്കേതികവിദ്യ അടുത്ത തലമുറ ശാസ്ത്രീയ കണ്ടുപിടുത്തങ്ങൾക്ക് അടിത്തറയിടുമെന്നാണ് വിലയിരുത്തൽ. ട്രംപ് ഭരണകൂടം ആവിഷ്കരിച്ച പുതിയ നയങ്ങളിലൂടെ ആയിരക്കണക്കിന് അമേരിക്കൻ ഗവേഷകർക്ക് മുന്നേറ്റത്തിന് വഴിതുറക്കും. സാങ്കേതിക വിപ്ലവത്തിന്റെ അടുത്ത ഘട്ടത്തിലേക്ക് രാജ്യം കുതിക്കുകയാണെന്ന് വൈറ്റ് ഹൗസ് പ്രതികരിച്ചു.

ഈ നിക്ഷേപ തുക ഉപയോഗിച്ച് വിവിധ മേഖലകളിൽ ഗവേഷണം നടത്തുന്ന സർവകലാശാലകൾക്ക് പ്രത്യേക സഹായം ലഭിക്കും. എഐ മേഖലയിൽ പ്രാവീണ്യമുള്ള യുവ വിദഗ്ധരെ വളർത്തിയെടുക്കാനും പ്രത്യേക പദ്ധതികൾ ആസൂത്രണം ചെയ്തിട്ടുണ്ട്. വരും വർഷങ്ങളിൽ സാങ്കേതിക ഗവേഷണ രംഗത്ത് വലിയൊരു മാറ്റത്തിന് ഈ സഹകരണം കാരണമാകും.

English Summary: US President Donald Trump unveils a 2.4 billion dollar AI computing credit pledge from top tech companies to power federal scientific research initiatives.