പിതാവിനെ കൗമാരക്കാരനായ മകൻ കഴുത്തു ഞെരിച്ച് കൊലപ്പെടുത്തി

MAY 6, 2026, 4:23 AM

ഹാരിസ് കൗണ്ടി (ഹൂസ്റ്റൺ): മകന്റെ മർദ്ദനമേറ്റ് പിതാവ് മരിച്ചു. ഹാരിസ് കൗണ്ടിയിൽ ദാരുണ സംഭവം. വെസ്റ്റ് ഹാരിസ് കൗണ്ടിയിൽ 15 വയസ്സുകാരനായ മകന്റെ മർദ്ദനമേറ്റ് പിതാവ് കൊല്ലപ്പെട്ടു. ചൊവ്വാഴ്ച രാവിലെയാണ് കുടുംബ വഴക്കിനെത്തുടർന്ന് ദാരുണമായ ഈ സംഭവം നടന്നത്.

വീട്ടിലുണ്ടായ തർക്കത്തിനിടെ മകൻ പിതാവിന്റെ കഴുത്ത് ഞെരിക്കുകയായിരുന്നു. വിവരമറിഞ്ഞ് പോലീസ് എത്തുമ്പോൾ മകൻ പിതാവിനെ കഴുത്തിന് പിടിച്ചു വെച്ചിരിക്കുന്ന നിലയിലായിരുന്നു.

ഉടൻ തന്നെ പിതാവിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.