1-20260528015055.jpg)
പനാമയിൽ രജിസ്റ്റർ ചെയ്തിരിക്കുന്ന ബഹുരാഷ്ട്ര കമ്പനികൾ രാജ്യത്തിനുള്ളിൽ യഥാർത്ഥ ബിസിനസ് പ്രവർത്തനങ്ങൾ നടത്തുന്നുവെന്ന് തെളിയിക്കേണ്ടതായുള്ള പുതിയ നിയമം പനാമ ദേശീയ അസംബ്ലി പാസാക്കി.
“ഇക്കണോമിക് സബ്സ്റ്റൻസ്” നിയമം എന്നറിയപ്പെടുന്ന ഈ നിയമപ്രകാരം, പനാമയിൽ വെറും പേരിനായി രജിസ്റ്റർ ചെയ്തിട്ടുള്ളതും എന്നാൽ അവിടെ യഥാർത്ഥ പ്രവർത്തനങ്ങളില്ലാത്തതുമായ കമ്പനികൾക്ക് വിദേശത്തുനിന്നുള്ള നിഷ്ക്രിയ വരുമാനത്തിന് 15 ശതമാനം നികുതി ഈടാക്കും എന്നാണ് ലഭിക്കുന്ന റിപ്പോർട്ട്.
ബുധനാഴ്ച പനാമയുടെ സാമ്പത്തിക-ധനകാര്യ മന്ത്രാലയമാണ് ഇത് അറിയിച്ചത്. പുതിയ നിയമത്തിന്റെ ലക്ഷ്യം, പനാമയെ നികുതി സ്വർഗ്ഗമായി ഉപയോഗിക്കുന്ന കമ്പനികൾക്കെതിരെ കൂടുതൽ കർശന നിയന്ത്രണം കൊണ്ടുവരികയാണെന്ന് അധികൃതർ വ്യക്തമാക്കി.
ഇതോടെ കമ്പനികൾക്ക് പനാമയിൽ:
എന്നിവ കാണിക്കേണ്ട സാഹചര്യം ഉണ്ടാകും.
അല്ലാത്ത പക്ഷം, വിദേശത്തുനിന്നുള്ള പലിശ, റോയൽറ്റി, നിക്ഷേപ വരുമാനം പോലുള്ള “പാസീവ് ഇൻകം” വിഭാഗത്തിൽപ്പെടുന്ന വരുമാനങ്ങൾക്ക് 15 ശതമാനം നികുതി ബാധകമാകും.
അന്താരാഷ്ട്ര സാമ്പത്തിക നിരീക്ഷണ ഏജൻസികളും വികസിത രാജ്യങ്ങളും വർഷങ്ങളായി പനാമയ്ക്ക് മേൽ കൂടുതൽ സുതാര്യത ഉറപ്പാക്കാൻ സമ്മർദ്ദം ചെലുത്തിയിരുന്നു. അതിന്റെ ഭാഗമായാണ് ഈ പുതിയ നിയമമെന്നാണ് വിലയിരുത്തൽ.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260623070247.jpg)
-20260324020651.webp)
-20201011062607.jpg)
