ഡാളസ്(ടെക്സസ്): നൈജീരിയയിലെ ക്രിസ്ത്യൻ സമൂഹങ്ങൾക്കെതിരെ വർധിച്ചുവരുന്ന ആക്രമണങ്ങളെക്കുറിച്ചും തട്ടിക്കൊണ്ടുപോകലുകളെക്കുറിച്ചും ഡാളസ്സിൽ സേവനം ചെയ്യുന്ന ഒരു നൈജീരിയൻ കത്തോലിക്കാ വൈദികനായ ഫാ. ജോസഫ് ഷെക്കാരിയുടെ വാക്കുകൾ ശ്രദ്ധേയമാകുന്നു. 'ഇത് എന്റെ ഹൃദയം നുറുക്കുന്നു' എന്ന് അദ്ദേഹം വേദനയോടെ പറഞ്ഞു.
കഴിഞ്ഞ ആഴ്ച വടക്കുപടിഞ്ഞാറൻ നൈജീരിയയിലെ ഒരു കത്തോലിക്കാ സ്കൂളിൽ നിന്ന് തട്ടിക്കൊണ്ടുപോയ നൂറുകണക്കിന് വിദ്യാർത്ഥിനികളിൽ 24 പേരെ രക്ഷപ്പെടുത്തി. നൈജീരിയയിൽ തട്ടിക്കൊണ്ടുപോകലുകൾ, അക്രമങ്ങൾ, മതവിഭാഗങ്ങൾക്കെതിരായ (പ്രത്യേകിച്ച് ക്രിസ്ത്യാനികൾക്കെതിരായ) ആക്രമണങ്ങൾ എന്നിവ വർധിച്ചു വരികയാണ്.
ഫാ. ഷെക്കാരിയെ 2022 ഫെബ്രുവരിയിൽ സ്വന്തം ഇടവകയിൽ വെച്ച് തട്ടിക്കൊണ്ടുപോയിരുന്നു. മോചനദ്രവ്യം നൽകിയ ശേഷമാണ് അദ്ദേഹത്തെ വിട്ടയച്ചത്. തന്നെ രക്ഷിക്കാൻ ശ്രമിച്ച ഒരു പള്ളി ജീവനക്കാരൻ അന്ന് വെടിയേറ്റ് മരിച്ചു.
'ഞങ്ങൾ ഭയത്തിലാണ് ജീവിക്കുന്നത്. അജ്ഞാതമായതിനെക്കുറിച്ചുള്ള ഭയം. ക്രിസ്ത്യാനികൾക്ക് ഇത് എളുപ്പമുള്ള കാര്യമല്ല,' ഫാ. ഷെക്കാരി പറഞ്ഞു. നൈജീരിയയിലെ ഈ പ്രതിസന്ധിക്ക് യു.എസ്. ഉദ്യോഗസ്ഥരിൽ നിന്ന് വർധിച്ചുവരുന്ന ശ്രദ്ധ ലഭിക്കുന്നുണ്ട്.
ഭീഷണികൾക്കിടയിലും നൈജീരിയൻ ക്രിസ്ത്യാനികൾ വിശ്വാസത്തിൽ ഉറച്ചുനിൽക്കുന്നുണ്ടെന്നും, ആയുധങ്ങൾ കൊണ്ടല്ല, പ്രാർത്ഥനയിലൂടെയാണ് സഭ ഇതിനെ നേരിടുന്നതെന്നും അദ്ദേഹം കൂട്ടച്ചേർത്തു.
വൈദികൻ തന്റെ മാതാപിതാക്കളും സഹോദരങ്ങളും ഇപ്പോഴും താമസിക്കുന്ന നൈജീരിയയലേക്ക് തിരിച്ചുപോകാൻ ആഗ്രഹിക്കുന്നുണ്ടെങ്കിലും, അത് സുരക്ഷിതമായിരിക്കുന്നത് എപ്പോഴായിരിക്കുമെന്ന് അദ്ദേഹത്തിന് അറിയില്ല.
പി പി ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
1-20260302032542.jpg)
-20201011060831.jpg)
-20260228043934.jpeg)
-20260302012446.jpeg)
-20260302012445.jpeg)
