റൗലറ്റ് (ഡാളസ്): ലോകത്ത് ജനഹൃദയങ്ങളിൽ ചിരപ്രതിഷ്ട നേടി ക്രൈസ്തവ സംഗീത രംഗത്ത് 4 പതിറ്റാണ്ടായി പ്രവർത്തിച്ചുവരുന്ന 'ഹോളി ബീറ്റസ് ' ഒരുക്കുന്ന സംഗീത സായാഹ്നം സെപ്തം. 21 വൈകിട്ട് ഞായർ 6നു റൗലറ്റ് ഹാർവെസ്റ്റ് ചർച്ച ഓഫ് ഗോഡിൽ (5700  Mark LN  Rowlett 75089) വെച്ച് സംഘടിപ്പിക്കുന്നു.

1982 മുതൽ സംഗീതം മാധ്യമമാക്കി സുവിശേഷ രംഗത്ത് തുടക്കം കുറിച്ച 'ഹോളിബീറ്റസ് ' ന് സ്വദേശത്തും വിദേശത്തുമായി ആയിരത്തിൽ അധികം വേദികളിൽ മ്യൂസിക് പ്രോഗാമുകൾ നടത്തുവാൻ അവസരങ്ങൾ ലഭിച്ചിട്ടുണ്ട്.

ജനഹൃദയങ്ങളിൽ ആത്മ ചൈതന്യം പകരുന്ന നിരവധി ഗാനങ്ങൾ ക്രൈസ്തവ കൈരളിക്കു സമ്മാനിക്കുവാനും, അനേകരെ മനസാന്തരത്തിലേക്കും സൗഖ്യത്തിലേക്കും നയിക്കുവാനും  ഒട്ടനവധി കലാകാരൻന്മർക്ക് അവരുടെ കഴിവുകൾ ഹോളിബീറ്റ്‌സ് ലൂടെ ഉപയോഗിക്കുവാനും ഹോളിബീറ്റ്‌സ് ലൂടെ കഴിഞ്ഞിട്ടുണ്ട്.

കാലങ്ങളും സംഗീത അഭിരുചികളും മാറികൊണ്ടിരിക്കുന്ന ഈ കാലഘട്ടത്തിലും മാറ്റങ്ങൾ ഉൾകൊണ്ടുകൊണ്ട് സുവിശേഷ ദൗത്യമേറ്റെടുത്ത് ശുദ്ധ സംഗീതവുമായി ഹോളീബീറ്റ്‌സ് ഇന്നും ഹൃദയങ്ങളെ സ്പശിക്കുന്നർത്തായി സംഘാടകർ അവകാശപ്പെട്ടു.

ഒരു വർഷം നീണ്ടുനിൽക്കുന്ന സംഗീത മഹോത്സവം 2025 ജനുവരി മുതൽ വിവിധ സ്ഥലങ്ങളിലായി 'Celebration of 40 +years Of God's Faithfulness ' എന്ന പേരിൽ  റൗലറ്റ് ഹാർവെസ്റ്റ് ചർച്ച ഓഫ് ഗോഡിൽ സൗജന്യമായി നടത്തപ്പെടുന്ന ഈ പ്രത്യേക പ്രോഗ്രാമിലേക്ക് ഏവരെയും സ്വാഗതം ചെയ്യുന്നു. പരിപാടിയുടെ വിജയത്തിനായി വിലയേറിയ പ്രാത്ഥനയും സഹകരണവും സംഘാടകർ അഭ്യർത്ഥിച്ചു.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്