ഇല്ലിനോയിസിൽ 9,300 പൗരത്വമില്ലാത്ത വ്യക്തികൾക്ക് സെപ്തംബർ 30ഓടെ മെഡിക്കൽ ഇൻഷുറൻസ് ആനുകൂല്യങ്ങൾ നഷ്ടപ്പെടുന്നു

OCTOBER 1, 2026, 1:33 AM

ഇല്ലിനോയിസ് : ഫെഡറൽ സർക്കാരിന്റെ പുതിയ 'HR 1' നിയമ ഭേദഗതിയെ തുടർന്ന്, ഇല്ലിനോയിസ് സംസ്ഥാനത്ത് പൗരത്വമില്ലാത്ത ഏകദേശം 9,300 ആളുകൾക്ക് സെപ്തംബർ 30ഓടെ മെഡിക്കേഡ് ആനുകൂല്യങ്ങൾ നഷ്ടമാകും.

'യോഗ്യതയുള്ള കുടിയേറ്റക്കാരൻ' എന്ന നിർവചനത്തിൽ ഫെഡറൽ സർക്കാർ വരുത്തിയ മാറ്റങ്ങളാണ് ഇതിന് കാരണം. അഭയാർത്ഥികൾ, അസൈലം തേടിയവർ, മാനുഷിക കാരണങ്ങളാൽ എത്തിയവർ എന്നിവർക്ക് ഇനി മുതൽ ഇതിൽ ഫെഡറൽ സഹായം ലഭിക്കില്ല.

ഈ പ്രതിസന്ധി നേരിടുന്നവരിൽ ഭൂരിഭാഗവും അഭയാർത്ഥികളാണ്. ഉദാഹരണത്തിന്, മസ്‌കുലർ ഡിസ്‌ട്രോഫി ബാധിച്ച് ജീവൻരക്ഷാ ഉപകരണങ്ങളുടെ സഹായത്തോടെ കഴിയുന്ന ഒമർ എന്ന സിറിയൻ ബാലൻ ഉൾപ്പെടെയുള്ളവർക്ക് ഈ മാറ്റം തിരിച്ചടിയാകും.

മറ്റ് ഓപ്ഷനുകൾ: ആനുകൂല്യങ്ങൾ നഷ്ടപ്പെടുന്നവർക്ക് പ്രൈമറി/പ്രിവന്റീവ് പരിചരണത്തിനായി ഫെഡറലി യോഗ്യതയുള്ള ഹെൽത്ത് സെന്ററുകളെ ആശ്രയിക്കാം. കൂടാതെ അടിയന്തര മെഡിക്കേഡ് സഹായങ്ങൾ തുടരുമെന്നും അധികൃതർ അറിയിച്ചു.

പി.പി. ചെറിയാൻ