വാഷിംഗ്ടണ്‍: ഫെഡറല്‍ ഏജന്റുമാരുടെ റെയ്ഡിന് ശേഷം പൊതുരംഗത്ത് നിന്ന് പൂര്‍ണ്ണമായും അപ്രത്യക്ഷയായ ഡെമോക്രാറ്റിക് കോണ്‍ഗ്രസ് അംഗം ഇല്‍ഹാന്‍ ഒമര്‍ രാജ്യം വിട്ടോ എന്ന ചോദ്യം ശക്തമാകുന്നു. വാഷിംഗ്ടണ്‍ ഡി.സിയിലെ വസതിയില്‍ ഹോംലാന്‍ഡ് സെക്യൂരിറ്റി ഇന്‍വെസ്റ്റിഗേഷന്‍സിന്റെ നേതൃത്വത്തില്‍ റെയ്ഡ് നടന്ന് ദിവസങ്ങള്‍ പിന്നിട്ടിട്ടും ഒമറിനെക്കുറിച്ച് യാതൊരു വിവരവുമില്ല. ഇതേത്തുടര്‍ന്ന് അവര്‍ രാജ്യം വിട്ടെന്ന തരത്തിലുള്ള അഭ്യൂഹങ്ങള്‍ നഗരത്തില്‍ വ്യാപകമായി പ്രചരിക്കുകയാണ്.
ഈ പശ്ചാത്തലത്തില്‍, ദമ്പതികളുടെ വാടക വസതിക്ക് സമീപം വളര്‍ത്തുനായ്‌ക്കൊപ്പം സായാഹ്ന നടത്തത്തിനിടയില്‍ മാധ്യമ പ്രവര്‍ത്തകര്‍ ഭര്‍ത്താവ് ടിം മൈനെറ്റിനെ നേരില്‍ കണ്ടു. 'കോണ്‍ഗ്രസ് വനിത രാജ്യം വിട്ടു എന്ന് അഭ്യൂഹങ്ങളുണ്ട്, അത് സത്യമാണോ?' എന്ന മാധ്യമങ്ങളുടെ ചോദ്യത്തോട് മൈനെറ്റ് രൂക്ഷമായാണ് പ്രതികരിച്ചത്. മാധ്യമ പ്രവര്‍ത്തകര്‍ അയല്‍വാസികളെ ബുദ്ധിമുട്ടിക്കുകയാണെന്ന് കുറ്റപ്പെടുത്തിയ അദ്ദേഹം, ഭാര്യയുടെ ഇമിഗ്രേഷന്‍ രേഖകളെയും പൗരത്വത്തെയും കുറിച്ചുള്ള ഫെഡറല്‍ അന്വേഷണത്തില്‍ തനിക്ക് യാതൊരു ആശങ്കയുമില്ലെന്നും ആവര്‍ത്തിച്ചു വ്യക്തമാക്കി.
അതേസമയം ഒമറുടെ പാസ്പോര്‍ട്ടും മൊബൈല്‍ ഫോണും ഫെഡറല്‍ ഏജന്റുമാര്‍ പിടിച്ചെടുത്തതായും, മിനസോട്ട ലെജിസ്ലേറ്റീവ് റഫറന്‍സ് ലൈബ്രറിയില്‍ അവരുടെ ജനന വര്‍ഷം അനധികൃതമായി തിരുത്തിയെന്ന ആരോപണത്തില്‍ ക്രിമിനല്‍ അന്വേഷണം പുരോഗമിക്കുകയാണെന്നും ഔദ്യോഗിക വൃത്തങ്ങള്‍ സ്ഥിരീകരിക്കുന്നു. പ്രസിഡന്റ് ഡൊണാള്‍ഡ് ട്രംപ് ദമ്പതികളുടെ സംയുക്ത ആസ്തിയെയും സാമ്പത്തിക സ്രോതസ്സുകളെയും കുറിച്ച് പരസ്യമായി സംശയങ്ങള്‍ ഉന്നയിച്ചതും ഈ കേസിന്റെ ഗൗരവം വര്‍ദ്ധിപ്പിച്ചിട്ടുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
