-8-20260113024819.webp)
വാഷിംഗ്ടൺ: ഇറാനുമായുള്ള യുദ്ധം അവസാനിപ്പിക്കുന്നതുമായി ബന്ധപ്പെട്ട് നിർണ്ണായകമായ നിലപാട് മാറ്റവുമായി അമേരിക്കൻ പ്രസിഡന്റ് ഡൊണാൾഡ് ട്രംപ്. "അവർക്ക് ഒത്തുതീർപ്പിന് താൽപ്പര്യമുണ്ട്, അത് ഉടൻ സംഭവിക്കും" എന്ന് മെംഫിസിൽ നടന്ന ഒരു പരിപാടിക്കിടെ ട്രംപ് പ്രഖ്യാപിച്ചു.
ഏതാനും ദിവസങ്ങൾക്ക് മുൻപ് വരെ ഇറാന്റെ പവർ പ്ലാന്റുകൾ തകർക്കുമെന്ന് ഭീഷണി മുഴക്കിയിരുന്ന സ്ഥാനത്താണ് ഇപ്പോൾ സമാധാന ചർച്ചകളെക്കുറിച്ചുള്ള സൂചനകൾ ട്രംപ് നൽകുന്നത്. ഹോർമുസ് കടലിടുക്ക് തുറക്കുന്നതിനും വെടിനിർത്തലിനുമായി പാകിസ്താൻ, തുർക്കി, ഈജിപ്ത്, ഒമാൻ എന്നീ രാജ്യങ്ങളുടെ മധ്യസ്ഥതയിൽ വിപുലമായ നയതന്ത്ര നീക്കങ്ങൾ നടക്കുന്നുണ്ടെന്നാണ് റിപ്പോർട്ടുകൾ.
തിങ്കളാഴ്ച അമേരിക്കൻ ഓഹരി വിപണി വ്യാപാരം തുടങ്ങുന്നതിന് രണ്ട് മണിക്കൂർ മുൻപ് ട്രംപ് നടത്തിയ ഈ പ്രഖ്യാപനം വാൾസ്ട്രീറ്റിൽ വലിയ മുന്നേറ്റമുണ്ടാക്കി. ബ്രെന്റ് ക്രൂഡ് ഓയിൽ വിലയിലും കാര്യമായ കുറവുണ്ടായി. എന്നാൽ, ചർച്ചകൾ നടക്കുന്നുവെന്ന ട്രംപിന്റെ അവകാശവാദം ഇറാൻ പൂർണ്ണമായും തള്ളിക്കളഞ്ഞു.
യുഎസുമായി യാതൊരു ചർച്ചയും നടന്നിട്ടില്ലെന്നും, ഇറാൻ തിരിച്ചടിക്കുമെന്ന് പേടിച്ചാണ് ട്രംപ് ഭീഷണിയിൽ നിന്ന് പിന്മാറിയതെന്നും ഇറാന്റെ പാർലമെന്റ് സ്പീക്കർ മുഹമ്മദ് ബാഗർ ഗാലിബാഫ് പ്രതികരിച്ചു. അതേസമയം, പാകിസ്താൻ വഴി കൈമാറിയ 15 നിർദ്ദേശങ്ങൾ അടങ്ങിയ പട്ടിക ഇറാൻ പരിഗണിക്കുന്നതായും സൂചനകളുണ്ട്.
ഇറാന്റെ സിവിലിയൻ പവർ പ്ലാന്റുകൾക്ക് നേരെ ആക്രമണം നടത്തിയാൽ അത് യുദ്ധം കൂടുതൽ വഷളാക്കുമെന്നും മേഖലയിലെ കുടിവെള്ള പ്ലാന്റുകളെപ്പോലും ബാധിക്കുമെന്നും ഗൾഫ് സഖ്യകക്ഷികൾ അമേരിക്കയ്ക്ക് മുന്നറിയിപ്പ് നൽകിയിരുന്നു. ഇതിന് പിന്നാലെയാണ് സ്റ്റീവ് വിറ്റ്കോഫ്, ജാറെഡ് കുഷ്നർ എന്നിവരുടെ നേതൃത്വത്തിൽ ചർച്ചകൾക്ക് വഴിതുറന്നത്.
ഇറാൻ ആണവായുധങ്ങൾ നിർമ്മിക്കില്ലെന്ന് ഉറപ്പാക്കുക, സമ്പുഷ്ടീകരിച്ച യുറേനിയം പിടിച്ചെടുക്കുക തുടങ്ങിയവയാണ് അമേരിക്കയുടെ പ്രധാന ആവശ്യങ്ങൾ. ഈ ആഴ്ച അവസാനം പാകിസ്താനിൽ വെച്ച് നടക്കുന്ന ചർച്ചയിൽ യുഎസ് വൈസ് പ്രസിഡന്റ് ജെ.ഡി. വാൻസ് പങ്കെടുത്തേക്കുമെന്നും വിവരമുണ്ട്. എന്നാൽ, വൈറ്റ് ഹൗസ് ഇതിനോട് ഔദ്യോഗികമായി പ്രതികരിച്ചിട്ടില്ല.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260324061802.jpg)
1-20260320071347.jpg)
-20260324060356.jpg)
-20260324054614.jpg)
-20260324051522.jfif)
-20260302012447.jpeg)
-20260324040506.jpg)
-20260324020650.webp)
-20260312030806.jpeg)
-20201004104034.jpg)
-6-20260113024611.webp)
