ന്യൂയോർക്ക് : ബിസിനസ് മേഖലയിൽ പ്രവർത്തിക്കുന്ന മലയാളികൾക്കുവേണ്ട മാർഗ്ഗനിർദ്ദേശങ്ങൾ നൽകുന്നതിനുവേണ്ടി ഫോമ രൂപീകരിച്ച 'ബിസിനസ് ഫോറത്തിന്റെ' ഉദ്ഘാടനം നവംബർ 1 -ാം തിയതി ശനിയാഴ്ച ഷിക്കാഗോയിൽ വച്ച് നടക്കും. അതോടൊപ്പം ഫോമയുടെ ആഭിമുഖ്യത്തിലുള്ള 'ബിസിനസ് മീറ്റും, അമേരിക്കയിൽ ബിസിനസ് വ്യവസായ മേഖലയിൽ പ്രവർത്തിക്കുന്ന മലയാളികളുടെ വിവരങ്ങൾ ഉൾപ്പെടുത്തിയുള്ള ഡയറക്ടറിയുടെ പ്രകാശനവും ഉണ്ടാകും.
കൂടാതെ അമേരിക്കയിലെ ബിസിനസ് വ്യവസായ രംഗത്തെ പ്രമുഖരും പ്രസ്തുത യോഗത്തിൽ പങ്കെടുക്കുകയും, അവരുടെ ബിസിനസ് രംഗത്തെ വിജയങ്ങൾ പങ്കുവെക്കുകയും ചെയ്യും.
ബിസിനസ് രംഗത്തു ശ്രദ്ധേയമായ നേട്ടങ്ങൾ കൈവരിച്ചിട്ടുള്ള, ഫോമയുടെ മുൻ പ്രസിഡന്റു കൂടിയായ ബേബി ഊരാളിൽ ആണ് ബിസിനസ് ഫോറത്തിന് ചെയർമാൻ. കൂടാതെ ഷൈജു വർഗീസ് വൈസ് ചെയർമാനായും, ഫോമാ മുൻ സെക്രട്ടറി ഓജസ് ജോൺ കോർഡിനേറ്റർ ആയും, ജോൺ ഉമ്മൻ സെക്രട്ടറിയായും, ഡൊമിനിക് ചാക്കോനാൽ, ജോസ് ഉപ്പൂട്ടിൽ, എബിൻ വർഗീസ്, രഞ്ജിത്ത് വിജയകുമാർ എന്നിവർ കമ്മിറ്റി അംഗങ്ങളായും ബിസിനസ് ഫോറത്തിന് നേതൃത്വം നൽകിവരുന്നു.
ഫോമയുടെ ആഭിമുഖ്യത്തിൽ നടത്തുന്ന ബിസിനസ് മീറ്റിലേക്കും, ബിസിനസ് ഫോറത്തിന്റെ ഉദ്ഘാടന യോഗത്തിലേക്കും എല്ലാ മലയാളികളേയും പ്രത്യേകിച്ച് ബിസിനസ് മേഖലയിൽ പ്രവർത്തിക്കുന്നവരെ സ്വാഗതം ചെയ്യുന്നതായി ഫോമ പ്രസിഡന്റ് ബേബി മണക്കുന്നേൽ, ജനറൽ സെക്രട്ടറി ബൈജു വർഗീസ്, ട്രഷറർ സിജിൽ പാലക്കലോടി, വൈസ് പ്രസിഡന്റ് ഷാലൂ പുന്നൂസ്, ജോയിന്റ് സെക്രട്ടറി പോൾ ജോസ്, ജോയിന്റ് ട്രഷറർ അനുപമ കൃഷ്ണൻ എന്നിവർ അറിയിച്ചു.
ബിസിനസ് ഫോറത്തിന് ഉദ്ഘാടത്തിനായി ഫോമ സെൻട്രൽ റീജിയൻ ആർ.വി.പി ജോൺസൺ കണ്ണൂക്കാടന്റെ നേതൃത്വത്തിൽ, ഫോമ അഡ്വൈസറി ബോർഡ് വൈസ് ചെയർമാൻ ജോസ് മണക്കാട്ട് (കോർഡിനേറ്റർ) ഫോമാ നാഷണൽ കമ്മിറ്റി അംഗങ്ങളായ ജോർജ് മാത്യു, ജോസി കുരിശുങ്കൽ, ആശാ മാത്യു, കേരള കൺവൻഷൻ ചെയർമാൻ പീറ്റർ കുളങ്ങര, ക്രെഡൻഷ്യൽ കമ്മിറ്റി മെമ്പർ ജോൺ പാട്ടപതി എന്നിവർ ഉൾപ്പെട്ട കമ്മിറ്റി വിപുലമായ പ്രവർത്തനങ്ങൾ നടത്തിവരുന്നു.
ഫോമ ബിസിനസ് ഫോറത്തെപ്പറ്റി കൂടുതൽ അറിയുന്നതിനും, അതുപോലെ ബിസിനസ് ഫോറത്തിന്റെ ഉദ്ഘാടനത്തിനോടനുബന്ധിച്ചു പ്രസിദ്ധീകരിക്കുന്ന ഡയറക്ടറിയിലേക്കു വിവരങ്ങൾ നൽകുവാൻ താൽപ്പര്യമുള്ളവരും താഴെ കൊടുത്തിരിക്കുന്ന നമ്പറിൽ ബദ്ധപ്പെടുക :
ബൈജു വർഗീസ് : 914 -349 -1559, ഓജസ് ജോൺ : 425 - 829 - 6301.
[email protected]
ഷോളി കുമ്പിളുവേലി പി.ആർ.ഒ, ഫോമ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
ചരിത്രം കുറിച്ച് ആർട്ടെമിസ് ദൗത്യം; ചന്ദ്രനിലെത്തി നാസയുടെ യാത്രികർ; ഭൂമിയിൽ നിന്നുള്ള ദൂരത്തിൽ
ഇറാന്റെ എണ്ണക്കണ്ണായ ഖാർഗ് ദ്വീപ് പിടിച്ചെടുക്കാനുള്ള അമേരിക്കൻ കരസേനാ നീക്കത്തിന്റെ പ്ലാൻ പുറത്ത്
ഇറാനിൽ മിസൈൽ വർഷം; 25 പേർ കൊല്ലപ്പെട്ടു; ട്രംപിന്റെ അന്ത്യശാസനം ഇന്ന് അവസാനിക്കും
ലോകം കാത്തിരുന്ന ശുഭവാർത്ത; ഇറാൻ - അമേരിക്ക യുദ്ധത്തിൽ 45 ദിവസത്തെ വെടിനിർത്തലിന്
-20260406124943.jpg)
