ഫ്‌ളോറിഡ: 2025 ഫ്‌ളോറിഡയിലെ നവകേരളാ മലയാളി അസോസിയേഷൻന്റെ മുപ്പത്തിയൊന്നാം വർഷ ഓണാഘോഷം മുപ്പത്തിയൊന്നുതരം വിഭവങ്ങളുമായി കൂപ്പർ സിറ്റി ഹൈസ്‌കൂളിൽ വച്ച് വിവിധങ്ങളായ കലാപരിപാടികളോടൊപ്പം നടത്തപെട്ടു.

ബിജോയ് സേവ്യർ നവകേരളയുടെ മുപ്പത്തിയൊന്നാം വർഷ ഓണാഘോഷ ചടങ്ങിലേക്ക് എല്ലാ വിശിഷ്ടാതിഥികളേയും ഹാർദവമായി സ്വാഗതം ചെയ്തു. യൂത്ത് പ്രസിഡന്റ് ലിയാന സാമുവലിന്റെ മനോഹരമായ അമേരിക്കൻ നാഷണാലാന്തത്തോടുകൂടി കലാപരിപാടികൾക്ക് തുടക്കം കുറിച്ചു. പ്രസിഡന്റ് പനങ്ങായിൽ ഏലിയാസ് ആദ്യ ദീപം തെളിയിച്ചു,

തുടർന്ന് ക്ഷണിക്കപ്പെട്ട വിശിഷ്ടാതിഥികളും, വൈദികരും ദീപം തെളിയിച്ച് നവകേരളയുടെ മുപ്പത്തൊന്നാം വർഷത്തിന്റെ ഓണാഘോഷം വർണാഭമാക്കി. ഓണാഘോഷങ്ങൾക്ക് ചീഫ് ഗസ്റ്റ് ആയി ഫോമാ മുൻ പ്രസിഡന്റ് ഡോക്ടർ ജേക്കബ് തോമസ് (2022-2024) ന്റെയും, ഫോമാ ട്രഷറർ(2022-24) ബിജു തോണിക്കടവിലിടെയും സാന്നിദ്ധ്യം പ്രാധാന്യം അർഹിച്ചു.

അതോടൊപ്പം ഓർലൻഡോ മലയാളി അസോസിയേഷൻ (ഒരുമ) പ്രസിഡന്റ് ജിബി ജോസഫ്, പാംബീച്ച് മലയാളി അസോസിയേഷൻ പ്രസിഡന്റ് മാത്യു തോമസ്, നോവലിസ്റ്റും കലാകാരനുമായ പൗലോസ് കുയിലാടൻ (ഫോമാ നാഷണൽ കമ്മിറ്റി കൾച്ചറൽ ചെയർമാൻ), ബിജോയ് സേവിയർ, ഫോമാ നാഷണൽ അഡൈ്വസറി കമ്മിറ്റി ജോയിന്റ് സെക്രട്ടറി ഷാന്റി വർഗീസ് (ഫോമാ നാഷണൽ പൊളിറ്റിക്കൽ ഫോറം എക്‌സിക്യൂട്ടീവ്) ജോസ് തോമസ് സിപിഎ, മിസ്റ്റർ എബ്രഹാം കളത്തിൽ (ഫൊക്കാന ഇന്റർനാഷനൽ ട്രഷറർ) കുര്യൻ വർഗീസ് ഐഒസി ഫ്‌ളോറിഡ ചാപ്റ്റർ സെക്രട്ടറി എന്നിവരുടെ സാന്നിധ്യവും പ്രശംസനീയമായിരുന്നു.

പുതു തലമുറക്ക്, നഷ്ടപ്പെട്ടുകൊണ്ടിരിക്കുന്ന, നമ്മുടെ സ്‌നേഹത്തിന്റെ വിലയും ഐക്യത്തിന്റെ കരുത്തും, പരസ്പര സഹായത്തിൽക്കൂടി ലഭിക്കുന്ന സംതൃപ്തിയും പുതുതലമുറക്ക് പകർന്നുകൊടുക്കുവാൻ, തിന്മക്കെതിരെ വിരൽ ചൂണ്ടുവാൻ മലയാളി സമൂഹം ആർജ്ജവം കാണിക്കുവാൻ ആഹ്വാനം ചെയ്തുകൊണ്ട് പ്രസിഡന്റ് പനങ്ങയിൽ ഏലിയാസ് തന്റെ പ്രസിഡൻഷ്യൽ അഡ്രസ് അവസാനിപ്പിച്ചു.

ലളിതവും മനോഹരവുമായ ഓണ സന്ദേശം നൽകി അതിഥികൾക്ക് സ്‌നേഹത്തിന്റെയും, ഐക്യത്തിന്റെയും മൂല്യം പകർന്നുകൊടുത്ത്, റവറന്റ് ഡോക്ടർ സന്തോഷ് തോമസും, റവറന്റ് ഫാദർ ഫിലിപ്പ് ജി വർഗീസ് ആശംസയും നൽകി, ഓണം നല്ലോണം പ്രകാശിപ്പിച്ചു. ഡോക്ടർ ജഗതി നായർ കോറിയോഗ്രാഫി ചെയ്ത തിരുവാതിര, ഡോക്ടർ കൊറിയോഗ്രാഫി ചെയ്ത ഗ്രൂപ്പ് ഡാൻസ്, ലിയാന സാമുയൽ, മെലീസ ജിജു, ജോയാന അഭീഷ് തുടങ്ങിയച്ചർ നയിച്ച ഡാൻസ്, ഹൃദയ എമേഴ്‌സൺ കോറിയോഗ്രാഫി ചെയ്ത മനോഹരമായ മെഗാ ഡാൻസ്, ഇമ്മാനുവൽ തോമസ്, രതീഷ്, ലിയാന, തോമസ് ചേലക്കാട്ട്, ദീപക് ആചാരി, ഗൗരി ദീപക്, കിഷോർ കുമാർ ഇവരുടെ ഗാനമേളകൾ, കർണമനോഹരമായിരുന്നു.

ബിജോയ് ജോസപ്പ് എല്ലാ വിശിഷ്ടാതിഥികൾക്കും, സ്‌പോൺസേഴ്‌സിനും സ്‌നേഹത്തിന്റെ പൂച്ചെണ്ടുകളോട് നന്ദി അർപ്പിച്ചു. മുപ്പത്തിയൊന്നു തരം വിഭവങ്ങൾ വിളമ്പുന്നതിനായി പ്രത്യേക കസ്റ്റം പ്ലേറ്റുകളും സജ്ജമാക്കിയത് ശ്രദ്ധയകാർഷികപ്പെട്ടു. ഫുഡ് കോർഡിനേറ്റർ മിസ്റ്റർ ഷാന്റി വർഗീസ് മികവുറ്റ വിഭവങ്ങൾ ഒരുക്കുന്നതിന് നേതൃത്വം നൽകി, മേലെ ചാക്കോ, കുര്യൻ വർഗീസ്, എമേഴ്‌സൺ ചാലിശ്ശേരി, ഗോപൻ നായർ, പദ്മനാഭൻ കുന്നത്, ബിബിൻ ജോർജ്, സിനോജ് കമ്പിയിൽ, ജോമിനി ബിജോയ്,  സൂസി ബിജോയ്, ബിന്ദു എമേഴ്‌സൺ, താരാ പദ്മകുമാർ, മെറിൻ ജോർജ് എന്നിവർ ഒത്തൊരുമയോടെ അതിഥികളെ സ്‌നേഹവിരുന്നിലേക്ക് നയിച്ചു.

സാറാമ്മ ഏലിയാസ്, റോഷൻ സജോ പെല്ലിശ്ശേരി, റാണി കൂട്ടുകെട്ടിൽ മനോഹരമായ താലപ്പൊലി അരങ്ങേറി. മഹാബലിയായി അവതരിച്ച് കുരിയാക്കോസ് പൊടിമറ്റം അതിഥികളെ രോമാഞ്ചപുളകമണിയിച്ചു, നവകേരളയുടെ ഉത്സവവേളകൾ മനോഹരമായി അലങ്കരിക്കുന്ന പ്രിയപ്പെട്ട കുരിയക്കോസ് ചേട്ടനെ കമ്മറ്റി അംഗങ്ങൾ പ്രത്യകം അഭിനന്ദിച്ചു.
കർണമനോഹരമായ അത്ത പൂക്കളവും ഫോട്ടോ ബൂത്തും അതിഥികൾക്ക് ഹരം പകർന്നു, മനോഹരമായ ഫോട്ടോ ബൂത്ത് പ്രദർശിപ്പിച്ച ശിവകുമാർ, പ്രിയാ നായർ ദമ്പതികളെ പ്രസിഡന്റ് പനങ്ങയിൽ ഏലിയാസ് അഭിനന്ദിച്ചു.

ചെണ്ടമേളവും, താലപ്പൊലിയും, മഹാബലിയും ഒന്നിച്ചപ്പോൾ എഴുന്നള്ളത്ത് ഗംഭീരമായി. ചെണ്ടമേളത്തിനു ചുക്കാൻ പിടിച്ച മോഹൻ നാരായൺ, ശ്രുതി ലയ താളം പ്രത്യേകം അഭിനന്ദനം അർഹിച്ചു. വളരെ മനോഹരമായ അവതരണ ശൈലിയോടെ വിവിധ പരിപാടികൾ കോർത്തിണക്കിയ മാസ്റ്റർ ഓഫ് സെറിമോണീസ് കാവ്യാ ബെൻസൻ, സിൽവിയാ ബെന്യാം വളരെയധികം പ്രശംസ പിടിച്ചുപറ്റി.

പ്രോഗ്രാം കോ-ഓർഡിനറ്റ് ചെയ്ത്, സ്റ്റേജ് കൺട്രോൾ മനോഹരമായി കൈകാര്യം ചെയ്ത സജോ പെല്ലിശ്ശേരിയേ പ്രസിഡന്റ് പ്രത്യേക അംഗീകാരം അറിയിച്ചു. നവകേരളയുടെ സ്‌പോൺസേഴ്‌സിനെയും, അഭ്യുദയ കംഷികളെയും സ്ലൈഡ് ഷോയിൽ മനോഹരമായി പ്രദർശിപ്പിച്ച ബിജോയ് ജോസഫ്, പദ്മനാഭൻ കുന്നത്ത് എന്നിവർ ഇൻഫർമേഷൻ ടെക്‌നോളജിയിൽ മികവു തെളിയിച്ചു.

വളരെ മനോഹരമായ അവതരണ ശൈലികളോടെ പരിപാടികൾ കോർത്തിണക്കിയ മാസ്റ്റർ ഓഫ് സെറിമോണീസ് മിസിസ് കാവ്യാ ബെൻസൺ, സിൽവിയാ ബെന്യാം വളരെ പ്രശംസപിടിച്ചുപറ്റി. ലിയാന സാമുവേലിന്റെ ഇന്ത്യൻ നാഷണാളാന്തത്തോടുകൂടി നവകേരളാ മലയാളി സോസിയേഷന്റെ മുപത്തിയൊന്നാം വർഷ ഓണാഘോഷങ്ങൾക്ക് തിരശ്ശീല വീണു.

പി പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്