ഷിക്കാഗോ: സെന്റ് മേരീസ് ക്‌നാനായ കത്തോലിക്കാ ദേവാലയത്തിലെ ചെറുപുഷ്പ മിഷൻ ലീഗ് യൂണിറ്റിന്റെ ആഭിമുഖ്യത്തിൽ ക്രിസ്മസ് പുതുവത്സര ദിനാഘോഷങ്ങളോടനുബന്ധിച്ച് ഡിസംബർ ഒന്നാം തിയതി തുടക്കം കുറിച്ച ആറോഹ '24 എന്ന പ്രോഗ്രാം വിജയകരമായി പൂർത്തിയാക്കി. അഗതികളും നിലാരംഭരും രോഗാവസ്ഥയിലും ആയി വൃദ്ധസദനങ്ങളിൽ കഴിയുന്ന വയോജനങ്ങളെ സന്ദർശിച്ച് ആഗതമായിരിക്കുന്ന ക്രിസ്മസിന്റെ സന്ദേശം അവരിൽ എത്തിക്കുന്നതിന് ഷിക്കാഗോ സെന്റ് മേരീസ് ചെറുപുഷ്പ മിഷൻ ലീഗ് യൂണിറ്റ് വിഭാവനം ചെയ്ത പ്രോഗ്രാമാണ് ആറോഹ '24.

സ്വസൃഷ്ടിപരമായ ആശയങ്ങൾ ഉൾപ്പെടുത്തി ക്രിസ്തുവിന്റെ ജനനവുമായി ബന്ധപ്പെട്ടുള്ള ദൈവവചനങ്ങൾ ഉൾക്കൊള്ളിച്ചുകൊണ്ട് ക്രിസ്മസ് ഗ്രീറ്റിംഗ് കാർഡുകൾ നിർമ്മിച്ച് കുട്ടികൾ  ദേവാലയത്തിലെ ഹോൾവേയിൽ സജ്ജമാക്കിയിരിക്കുന്ന ബോക്‌സിൽ ഡിസംബർ ഒന്നാം തിയതി മുതൽ നിക്ഷേപിക്കുകയും തുടർന്ന് ഡിസംബർ 21-ാം തിയതി സെന്റ്‌മേരിസ് ദേവാലയത്തിന് ചുറ്റുപാടുമുള്ള വിവിധ വൃദ്ധസദനങ്ങൾ സന്ദർശിച്ച് അവിടെയുള്ള അന്തേവാസികൾക്കായി ഈ ഗ്രീറ്റിംഗ് കാർഡുകൾ വിതരണം ചെയ്യുകയും ക്രിസ്മസ് കരോളിങ്ങ് നടത്തുകയും ചെയ്തു.

ക്രിസ്മസ് സീസണിൽ പ്രായാധിക്യ രോഗങ്ങളാൽ നിലാരംഭരായി വൃദ്ധസദനങ്ങളിൽ കഴിയുന്ന
ആളുകളോട് സ്‌നേഹവും കരുതലും വളർത്തുവാൻ സി.എം.എൽ കുട്ടികൾ ചെയ്യുന്ന ഒരു കാരുണ്യ പ്രവർത്തനമാണിത്. 

കുട്ടികളുണ്ടാക്കിയ ഏതാണ്ട് 290ഓളം ഗ്രീറ്റിംഗ് കാർഡുകൾ  Sunrise Assisted Living, Zahav of Desplaines, Elevate care of Abington, Glenview Terace എന്നീ വൃദ്ധസദനങ്ങളിൽ കൊടുക്കുകയും അതോടൊപ്പം ക്രിസ്മസ് കേക്കുകൾ വിതരണം ചെയ്യുകയും ആഗതമായിരിക്കുന്ന ക്രിസ്മസിന്റെ സന്തോഷത്തിൽ അവരുമായി പങ്കുചേരുകയും ചെയ്തു.

സെന്റ് മേരിസ് സി.എം.എൽ യൂണിറ്റിനെ പ്രതിനിധീകരിച്ച് 25ഓളം കുട്ടികളും, ഇടവക വികാരി ഫാദർ സിജു മുടക്കോടിൽ സി.എം.എൽ ഡയറക്ടേഴ്‌സ് ജോജോ ആനാ ലിൽ, ബിബി നെടുംതുരുത്തി പുത്തൻപുരയിൽ, പേരെന്റ്‌സ് വോളണ്ടിയേഴ്‌സ് ആയി മജോ കുശ്ശേരി, റ്റിനോ വാളത്തട്ട്, അജയ് വാളത്തട്ട്, ജീസ് ചക്കുങ്ങൽ എന്നിവർ ആറോഹ '24 ഗ്രാൻഡ്ഫിനാലിയിൽ പങ്കുചേർന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്