ഷിക്കാഗോ: സിവിൽ റൈറ്റ്‌സ് നേതാവ് റവ. ജെസ്സി ജാക്‌സൻ  ആശുപത്രിയിലെ ഇന്റൻസീവ് കെയർ യൂണിറ്റിൽ നിന്ന് പുറത്തുവന്ന് സാധാരണ റൂമിലേക്ക് മാറിയതായി കുടുംബം അറിയിച്ചു. ആരോഗ്യനില മെച്ചപ്പെട്ട സാഹചര്യത്തിലാണ് ഈ മാറ്റം.

ന്യൂറോളജിക്കൽ രോഗമായ പ്രോഗ്രസീവ് സുപ്രാന്യൂക്ലിയർ പാൾസിക്ക് ചികിത്സ നൽകുന്നതിനായി നവംബർ 12നാണ് ജാക്‌സനെ നോർത്ത് വെസ്റ്റേൺ മെമ്മോറിയൽ ഹോസ്പിറ്റലിൽ പ്രവേശിപ്പിച്ചത്. അഞ്ച് ദിവസത്തിന് ശേഷം അദ്ദേഹം ഐസിയുവിൽ നിന്ന് മാറി.

'ഞങ്ങളുടെ പിതാവിനെ കാണാനും പ്രാർത്ഥിക്കാനും വേണ്ടി വിളിക്കുകയും എത്തുകയും ചെയ്ത സുഹൃത്തുക്കൾക്കും പിന്തുണച്ചവർക്കും നന്ദി പറയുന്നു,' എന്ന് മകനും കുടുംബ വക്താവുമായ യൂസഫ് ജാക്‌സൺ പറഞ്ഞു. 'പ്രാർത്ഥനകൾക്ക് ഫലമുണ്ട്. നോർത്ത് വെസ്റ്റേൺ മെമ്മോറിയൽ ഹോസ്പിറ്റലിലെ ഡോക്ടർമാർക്കും സുരക്ഷാ ജീവനക്കാർക്കും നന്ദി അറിയിക്കുന്നു. ഈ അമൂല്യ സമയത്ത് നിങ്ങളുടെ തുടർ പ്രാർത്ഥനകൾ വിനയത്തോടെ അഭ്യർത്ഥിക്കുന്നു.'

കഴിഞ്ഞ ആഴ്ച മുൻ പ്രസിഡന്റ് ബിൽ ക്ലിന്റണും മുൻ സ്റ്റേറ്റ് സെക്രട്ടറി ഹിലാരി ക്ലിന്റണും ജാക്‌സനെ ആശുപത്രിയിൽ സന്ദർശിച്ചിരുന്നു. അപൂർവവും ചികിത്സയില്ലാത്തതുമായ ഒരു ന്യൂറോളജിക്കൽ രോഗമാണ് പിഎസ്പി, ഇത് നടക്കാനുള്ള ബുദ്ധിമുട്ട്, ബാലൻസ്, സംസാര വൈകല്യം, കണ്ണ് ചലനത്തിലെ തകരാറുകൾ എന്നിവയ്ക്ക് കാരണമാകും. ഏകദേശം ഒരു ദശാബ്ദത്തിലേറെയായി അദ്ദേഹം ഈ രോഗാവസ്ഥയിൽ ബുദ്ധിമുട്ടുന്നുണ്ട്.

1960കളിൽ റെവ. മാർട്ടിൻ ലൂഥർ കിംഗ് ജൂനിയറുമായി ചേർന്ന് പ്രവർത്തിച്ച അദ്ദേഹം ഒരു പ്രമുഖ സിവിൽ റൈറ്റ്‌സ് ആക്ടിവിസ്റ്റാണ്. റെയിൻബോ PUSH കോളിഷൻ സ്ഥാപിച്ച അദ്ദേഹം 2000ൽ പ്രസിഡൻഷ്യൽ മെഡൽ ഓഫ് ഫ്രീഡം ലഭിച്ചിട്ടുണ്ട്.

പി പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്