11 പോലീസ് വാഹനങ്ങൾക്ക് തീ വെച്ച കേസിൽ കുറ്റം സമ്മതിച്ചു ബ്രൂക്ക്ലിൻ ആക്ടിവിസ്റ്

APRIL 8, 2026, 10:04 PM

ബ്രൂക്ക്ലിനിലെ ഒരു ആക്ടിവിസ്റ്, പാലസ്തീൻ അനുകൂല പ്രതിഷേധങ്ങളുമായി ബന്ധപ്പെട്ട് മുമ്പ് നിരവധി തവണ അറസ്റ്റിലായിരുന്നയാൾ, കഴിഞ്ഞ വേനലിൽ 11 പോലീസ് വാഹനങ്ങൾക്ക് തീ വെച്ച കേസിൽ ബുധനാഴ്ച കുറ്റം സമ്മതിച്ചു.

22 വയസ്സുള്ള ജാഖി മക്‌ക്രേ ആണ് ജൂൺ 12-ന് നടത്തിയ തീ വെപ്പിൽ പങ്കുണ്ടെന്ന് സമ്മതിച്ചത്. ഈ സംഭവത്തിൽ ന്യൂയോർക്ക് സിറ്റി പോലീസ് വകുപ്പിന് ഏകദേശം 8 ലക്ഷം ഡോളറിന്റെ നാശനഷ്ടമുണ്ടായതായി അധികൃതർ അറിയിച്ചു.

ശിക്ഷ വിധിക്കുമ്പോൾ, കുറഞ്ഞത് 5 വർഷം തടവും പരമാവധി 20 വർഷം വരെ തടവും ലഭിക്കാനുള്ള സാധ്യതയുണ്ട് എന്നാണ് ലഭിക്കുന്ന വിവരം.

“പുലർച്ചെ പല പോലീസ് വാഹനങ്ങൾക്കും നശിപ്പിക്കുക എന്ന ഉദ്ദേശത്തോടെ തീ വെച്ചതിലൂടെ പ്രതി അടിയന്തര സേവനപ്രവർത്തകരുടെയും സമീപത്ത് ഉറങ്ങിയിരുന്ന നാട്ടുകാരുടെയും ജീവൻ അപകടത്തിലാക്കി. ഇതോടെ സമൂഹത്തെ സംരക്ഷിക്കാൻ വേണ്ട വിഭവങ്ങളും നശിപ്പിക്കാൻ ശ്രമിച്ചു” എന്ന് യു.എസ്. അറ്റോർണി ജോസഫ് നോസെല്ല പ്രസ്താവനയിൽ പറഞ്ഞു.

മക്‌ക്രേ ബ്രൂക്ക്ലിനിലെ പോലീസ് പാർക്കിംഗ് സ്ഥലത്തേക്കുള്ള വേലിയുടെ അകത്ത് കടന്ന് 10 പോലീസ് വാഹനങ്ങൾക്കും ഒരു ട്രെയിലറിനും തീ വെച്ചു. ഇത് ഒരു പോലീസ് ഉദ്യോഗസ്ഥൻ കണ്ടതോടെ, വേലിയിലെ ഒരു ദ്വാരത്തിലൂടെ അവൻ രക്ഷപ്പെട്ടു. എന്നാൽ വിരലടയാളങ്ങൾ പതിഞ്ഞ സിഗാർ ലൈറ്ററും സൺഗ്ലാസും അവിടെ ഉപേക്ഷിച്ചുവെന്നാണ് പരാതിയിൽ പറയുന്നത്.

ഒരു മാസം കഴിഞ്ഞ് മക്‌ക്രേ സ്വമേധയാ പൊലീസിന് കീഴടങ്ങി. മുമ്പ് 12 തവണ താൻ അറസ്റ്റിലായിട്ടുണ്ടെന്നും, മാധ്യമങ്ങളും പൊലീസും പലപ്പോഴും തനിക്കെതിരെ തെറ്റായ വിവരങ്ങൾ പ്രചരിപ്പിക്കുന്നുവെന്നും അദ്ദേഹം പറഞ്ഞു.