ന്യൂയോര്ക്ക്: ഉപജീവനത്തിനും മികച്ച കരിയറിനുമായി വിദേശ രാജ്യങ്ങളിലേക്ക് കുടിയേറുന്ന കാലഘട്ടം മാറി, ഇനി മനുഷ്യര് ജോലി തേടി മറ്റ് ഗ്രഹങ്ങളിലേക്കും ബഹിരാകാശത്തേക്കും സഞ്ചരിക്കുന്ന കാലം വിദൂരമല്ലെന്ന പ്രവചനവുമായി പ്രമുഖ ടെക് ഭീമന്മാര് രംഗത്തെത്തിയിരിക്കുകയാണ്. 2030-ഓടെ മനുഷ്യര് ചന്ദ്രനില് താമസിച്ച് ജോലി ചെയ്യുമെന്നും ഒരുപക്ഷേ ചന്ദ്രനിലേക്ക് ദിവസേനയുള്ള യാത്രകള് ആരംഭിച്ചേക്കുമെന്നും വോയേജര് ടെക്നോളജീസ് സ്ഥാപകനും സിഇഒയുമായ ഡിലന് ടെയ്ലര് വ്യക്തമാക്കുന്നു.
ഇലോണ് മസ്ക്, ജെഫ് ബെസോസ്, സാം ആള്ട്ട്മാന് തുടങ്ങിയ ആഗോള വ്യവസായ പ്രമുഖരുടെ സമാനമായ നിരീക്ഷണങ്ങളെ ശരിവെച്ചാണ് ഫോര്ച്യൂണ് മാസികയ്ക്ക് നല്കിയ അഭിമുഖത്തില് അദ്ദേഹം ഈ കാര്യങ്ങള് പങ്കുവെച്ചത്. അന്താരാഷ്ട്ര ബഹിരാകാശ നിലയത്തില് കഴിഞ്ഞ 26 വര്ഷമായി ശാസ്ത്രജ്ഞര് തുടര്ച്ചയായി ജോലി ചെയ്യുന്നുണ്ടെങ്കിലും, വരും ദശകങ്ങളില് ഇത് പൊതുജനങ്ങളിലേക്കും വ്യാപിപ്പിക്കാനാണ് ബഹിരാകാശ മേഖല ലക്ഷ്യമിടുന്നത്.
2030-കളുടെ ആദ്യ പകുതിയോടെ ചന്ദ്രനില് മനുഷ്യര്ക്ക് താമസിക്കാനും ജോലി ചെയ്യാനുമുള്ള ബഹിരാകാശ താവളങ്ങള് യാഥാര്ത്ഥ്യമാകും. ഭൂമിയില് നിന്ന് രാത്രിയില് മുകളിലേക്ക് നോക്കുമ്പോള് ചന്ദ്രനില് വെളിച്ചം തെളിഞ്ഞുനില്ക്കുന്നത് കാണാന് സാധിക്കുന്ന കാലം അധികം വൈകാതെ വരുമെന്നും അദ്ദേഹം പ്രത്യാശ പ്രകടിപ്പിച്ചു. പ്രകൃതിവിഭവ ഖനനം, ഓര്ബിറ്റല് ഡാറ്റാ സെന്ററുകളുടെ പ്രവര്ത്തനം, പവര് ഗ്രിഡ് നിര്മ്മാണം തുടങ്ങിയ മേഖലകളിലായിരിക്കും ബഹിരാകാശത്ത് പ്രധാനമായും പുതിയ തൊഴിലവസരങ്ങള് സൃഷ്ടിക്കപ്പെടുക.
ടെസ്ലയുടെ ഓപ്റ്റിമസ് പോലുള്ള അത്യാധുനിക ഹ്യൂമനോയിഡ് റോബോട്ടുകള്ക്ക് ഇത്തരം സങ്കീര്ണ്ണമായ ജോലികള് പൂര്ണ്ണമായി ചെയ്യാനാകില്ലെന്നും അതിനാല് വിവേകത്തോടെ തീരുമാനങ്ങളെടുക്കാന് മനുഷ്യരുടെ നേരിട്ടുള്ള സാന്നിധ്യം അവിടെ അനിവാര്യമാണെന്നും ടെയ്ലര് ചൂണ്ടിക്കാണിക്കുന്നു. ഭൂമിയുടെയും ചന്ദ്രന്റെയും ഘടന ഒരേ പ്ലാനറ്ററി സിസ്റ്റത്തിന്റെ ഭാഗമായതിനാല് ചന്ദ്രനിലേക്കുള്ള യാത്രാ സാധ്യതകള് വളരെ കൂടുതലാണ്. എന്നാല് ശക്തമായ റേഡിയേഷനും വലിയ ദൂരവും കാരണം ചൊവ്വയിലേക്കുള്ള കുടിയേറ്റം അത്ര ലളിതമല്ല.
ഭൂമിക്ക് വന് ദുരന്തം വല്ലതും സംഭവിച്ചാല് മനുഷ്യരാശിയുടെ നിലനില്പ്പിനായുള്ള ഒരു 'ബാക്കപ്പ് പ്ലാന്' മാത്രമാണ് ചൊവ്വയെന്നാണ് അദ്ദേഹത്തിന്റെ വിലയിരുത്തല്. മറ്റ് പ്രമുഖ ടെക് ഭീമന്മാരും സമാനമായ പ്രവചനങ്ങളാണ് മുന്നോട്ടുവെക്കുന്നത്. സ്പേസ് എക്സ് മേധാവി ഇലോണ് മസ്ക് 2028-ഓടെ മനുഷ്യനെ ചൊവ്വയിലെത്തിക്കാന് ലക്ഷ്യമിടുമ്പോള്, 2045-ഓടെ ലക്ഷക്കണക്കിന് ആളുകള് ബഹിരാകാശത്ത് ജീവിക്കുമെന്നാണ് ബ്ലൂ ഒറിജിന് സ്ഥാപകന് ജെഫ് ബെസോസ് നിരീക്ഷിക്കുന്നത്. അടുത്ത പത്ത് വര്ഷത്തിനുള്ളില് ബിരുദധാരികളായ ചെറുപ്പക്കാരെ കാത്തിരിക്കുന്നത് ബഹിരാകാശത്തെ ഉയര്ന്ന ശമ്പളമുള്ള പുതിയ തരം ജോലികളായിരിക്കുമെന്ന് ഓപ്പണ് എഐ സിഇഒ സാം ആള്ട്ട്മാനും സാക്ഷ്യപ്പെടുത്തുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20260708063346.jpg)
-20260130064601.jpg)
-20260818023102.jpg)
-20260616112724.jpg)
-20260817121012.jpg)
-20201011060828.jpg)
-20260814100738.jpg)
