ഒക്ടോബർ വിസ ബുള്ളറ്റിൻ: പ്രധാന മാറ്റങ്ങൾ അതീവ നിർണ്ണായകം

SEPTEMBER 30, 2026, 12:42 AM

വാഷിംഗ്ടൺ ഡി.സി: കുടുംബതൊഴിൽ അടിസ്ഥാനമാക്കിയുള്ള ഗ്രീൻ കാർഡ് അപേക്ഷകരെ സംബന്ധിച്ച് ഒക്ടോബർ മാസത്തെ വിസ ബുള്ളറ്റിൻ അതീവ നിർണ്ണായകമാണ്. പുതിയ സാമ്പത്തിക വർഷം ഒക്ടോബർ 1ന് ആരംഭിക്കുന്നതിനാൽ, വാർഷിക കുടിയേറ്റ വീസകളുടെ എണ്ണം ഈ മാസത്തിൽ പുനഃക്രമീകരിക്കപ്പെടുന്നു.

കഴിഞ്ഞ സാമ്പത്തിക വർഷത്തിൽ പരിധികൾ കവിഞ്ഞതിനാൽ സെ്ര്രപംബറിൽ തടസ്സപ്പെട്ടിരുന്ന ഇന്ത്യക്കാരുടെ EB-2, EB-5 ഉൾപ്പെടെയുള്ള പല വിഭാഗങ്ങളും ഒക്ടോബറിൽ വീണ്ടും തുറന്നു.

തൊഴിൽ വിഭാഗത്തിൽ ചൈനയുടെ ഫയലിംഗ് തീയതികളിൽ വലിയ പുരോഗതിയുണ്ടായിട്ടുണ്ട്. ഉദാഹരണത്തിന്, ചൈനയുടെ EB-3 പ്രൊഫഷണൽ വിഭാഗം 2024 ഏപ്രിൽ 1 വരെ മുന്നോട്ട് നീങ്ങി.
പല രാജ്യങ്ങൾക്കുമുള്ള EB-2, EB-3 ഫൈനൽ ആക്ഷൻ തീയതികൾ പിന്നോട്ട് പോയിട്ടുണ്ട്.

ഇത് അന്തിമ അനുമതിക്കായി കാത്തിരിക്കുന്നവരുടെ നടപടികൾ വൈകിപ്പിച്ചേക്കാം.
സ്ഥിര താമസക്കാരുടെ പങ്കാളികൾക്കും മക്കൾക്കുമുള്ള F2A വിഭാഗത്തിൽ അനുകൂലമായ മാറ്റങ്ങളുണ്ടായിട്ടുണ്ട്.

അപേക്ഷകർ തങ്ങളുടെ പ്രയോറിറ്റി തീയതിയും അതത് രാജ്യത്തിന്റെയും വിഭാഗത്തിന്റെയും കട്ട്ഓഫ് തീയതിയും താരതമ്യം ചെയ്ത് നോക്കേണ്ടതാണ്. പ്രയോറിറ്റി തീയതി പ്രസിദ്ധീകരിച്ച തീയതിയേക്കാൾ മുമ്പുള്ളതായിരിക്കണം (അതേ തീയതി മതിയാകില്ല).

യുഎസിനുള്ളിൽ നിന്ന് അപേക്ഷിക്കുന്നവർ Form I-485 സമർപ്പിക്കുന്നതിന് മുമ്പ് യു.എസ്. സിറ്റിസൺഷിപ്പ് ആൻഡ് ഇമ്മിഗ്രേഷൻ സർവീസസിന്റെ (USCIS) ഒക്ടോബർ മാസത്തെ നിർദ്ദേശങ്ങൾ കർശനമായി പാലിക്കണം. 'Date for Filing' പ്രകാരം അപേക്ഷിക്കാൻ കഴിയുന്നത് ഗ്രീൻ കാർഡ് ഉടൻ ലഭിക്കുമെന്ന് അർത്ഥമാക്കുന്നില്ല.

ഒക്ടോബറിലെ മാറ്റങ്ങൾ പ്രത്യേകിച്ച് ഇന്ത്യൻ EB-2, EB-5, EB-1 അപേക്ഷകർക്ക് ശ്രദ്ധേയമാണ്. അതേസമയം, ചില വിഭാഗങ്ങളിലെ തീയതികൾ പിന്നോട്ടുപോയത് വിസാ ലഭ്യത കർശനമായി നിയന്ത്രിക്കപ്പെടുന്നതിന്റെ സൂചനയാണ്.

പുതിയ ഡിമാൻഡ് കണക്കുകൾ ലഭിക്കുന്നതനുസരിച്ച് വരും മാസങ്ങളിൽ കട്ട്ഓഫ് തീയതികളിൽ വീണ്ടും മാറ്റങ്ങൾ വരാൻ സാധ്യതയുണ്ട്.

പി.പി.ചെറിയാൻ