ഡാളസ്(ടെക്‌സസ്): ചർച്ച് ഓഫ് സൗത്ത് ഇന്ത്യയുടെ (CSI) ചരിത്രത്തിൽ പുതിയൊരു നാഴികക്കല്ല് കുറിച്ചുകൊണ്ട്, നോർത്ത് അമേരിക്കയിലെ 35ാമത് ഇടക ഫാമിലി & യൂത്ത് കോൺഫറൻസും പുതുതായി രൂപീകരിച്ച ഇടക ഡയാസ്‌പോറ ഡയോസിസ് ഓഫ് നോർത്ത് അമേരിക്കയുടെ പൂർണ്ണ ഭരണഘടനാധിഷ്ഠിതമായ പ്രഥമ ഡയോസിസൻ കൗൺസിലും പ്രൗഢഗംഭീരമായി സമാപിച്ചു.

ഡാളസിലെ ലവ് ഓഫ് ക്രൈസ്റ്റ് ഇടക സഭയുടെ ആതിഥേയത്വത്തിൽ നടന്ന നാല് ദിവസം നീണ്ടുനിന്ന ഈ ചരിത്ര സംഗമത്തിൽ നോർത്ത് അമേരിക്ക, ഇന്ത്യ തുടങ്ങി ലോകത്തിന്റെ വിവിധ ഭാഗങ്ങളിൽ നിന്നായി അഞ്ഞൂറിലധികം പ്രതിനിധികളും സഭാമേലധ്യക്ഷന്മാരും പങ്കെടുത്തു. 'ക്രിസ്തുവിൽ തലമുറകളെ വളർത്തുക, ഒന്നിപ്പിക്കുക' (സങ്കീർത്തനങ്ങൾ 145:4) എന്നതായിരുന്നു കോൺഫറൻസിന്റെ പ്രമേയം.  

വർണ്ണാഭമായ റാലിയും ഉദ്ഘാടന സമ്മേളനവും400ലധികം ആളുകൾ അണിനിരന്ന വർണ്ണാഭമായ പ്രഘോഷണ ഘോഷയാത്രയോടെയാണ് കോൺഫറൻസിന് തുടക്കമായത്. ബാൻഡ് മേളം, പ്രാദേശിക പതാകകൾ, സഭാ ബാനറുകൾ എന്നിവയുടെ അകമ്പടിയോടെ വൈദികരും യുവജനങ്ങളും കുട്ടികളും കുടുംബങ്ങളും ഒന്നിച്ച് അണിനിരന്നു.

തുടർന്ന് നടന്ന പ്രാരംഭ ആരാധനയ്ക്ക് ചർച്ച് ഓഫ് സൗത്ത് ഇന്ത്യ മോഡറേറ്റർ മോസ്റ്റ് റവ. ഡോ. കെ. റൂബൻ മാർക്ക് നേതൃത്വം നൽകി. ഇന്ത്യയിൽ നിന്നുള്ള നാല് ബിഷപ്പുമാർ ആരാധനയിൽ സഹകാർമ്മികരായി.

റൈറ്റ് റവ. എ. പോൾ ഫ്രാൻസിസ് രവിചന്ദ്രൻ (മദ്രാസ് മഹായിടവക)റൈറ്റ് റവ. ഡോ. റോയ്‌സ് മനോജ് വിക്ടർ (മലബാർ മഹായിടവക)റൈറ്റ് റവ. ഡോ. വിൻസെന്റ് വിനോദ് കുമാർ (സെൻട്രൽ കർണാടക മഹായിടവക)റൈറ്റ് റവ. ഹേമചന്ദ്ര കുമാർ (സൗത്ത് കർണാടക മഹായിടവക) മഹായിടവക ഭാരവാഹികളും മാർത്തോമ്മാ, എപ്പിസ്‌കോപ്പൽ, യുണൈറ്റഡ് മെത്തഡിസ്റ്റ് തുടങ്ങിയ ഇതര സഭാ പ്രതിനിധികളും ഇർവിങ് സിറ്റിയുടെ പ്രതിനിധിയായ മിസ്റ്റർ ആൽബർട്ട് സി. സപാന്റയും ചേന്ന് പരമ്പരാഗത ഭദ്രദീപം കൊളുത്തി സമ്മേളനം ഉദ്ഘാടനം ചെയ്തു.

കോൺഫറൻസ് ലോഗോ പ്രകാശനം, തീം സോങ് അവതരണം, സ്മരണിക പ്രകാശനം എന്നിവയും ചടങ്ങിൽ നടന്നു. പ്രശസ്ത സുവിശേഷ ഗായകൻ ബ്രദർ ജോളി അബ്രഹാം, മെഴ്‌സി തോമസ് എന്നിവരുടെ ഗാനസന്ധ്യ ഉദ്ഘാടന ചടങ്ങിന് മാറ്റുകൂട്ടി. അന്താരാഷ്ട്ര ക്രിസ്തീയ ചിന്തകനും പ്രഭാഷകനുമായ ഡോ. സാം ജോർജ് നിർവ്വഹിച്ചു.

മുതിർന്നവരുടെ പ്രഭാഷണം: റൈറ്റ് റവ. എ. പോൾ ഫ്രാൻസിസ് രവിചന്ദ്രൻ സന്ദേശം നൽകി.വലിയ എൽ.ഇ.ഡി ലൈറ്റിംഗ്, ശബ്ദസംവിധാനങ്ങൾ എന്നിവയുടെ അകമ്പടിയോടെ നടന്ന മീറ്റിംഗുകൾക്ക് പുറമെ ബൈബിൾ സ്റ്റഡി, സെമിനാറുകൾ, ചർച്ചകൾ, സ്‌പോർട്‌സ് മത്സരങ്ങൾ, കൾച്ചറൽ പ്രോഗ്രാമുകൾ എന്നിവയും നാല് ദിവസങ്ങളിലായി സംഘടിപ്പിച്ചു.

ഡയാസ്‌പോറ ഡയോസിസിന്റെ ചരിത്രപരമായ തുടക്കംനോർത്ത് അമേരിക്കയിലുടനീളമുള്ള ഇടക സഭകളുടെ പ്രവർത്തനങ്ങളെ ഏകോപിപ്പിക്കുന്നതിനായി രൂപീകരിച്ച ഇടക ഡയാസ്‌പോറ ഡയോസിസ് ഓഫ് നോർത്ത് അമേരിക്കയുടെ ആദ്യ കൗൺസിൽ യോഗം സമ്മേളനത്തിന്റെ ഭാഗമായി ചേർന്നു.

അമേരിക്കയിലും കാനഡയിലുമുള്ള ഇടക പ്രസ്ഥാനത്തിന്റെ വളർച്ചയ്ക്കായി പതിറ്റാണ്ടുകളായി പ്രവർത്തിച്ച മുൻകാല നേതാക്കളെ ചടങ്ങിൽ ആദരിച്ചു.അഞ്ചു ബിഷപ്പുമാരുടെയും വൈദികരുടെയും നേതൃത്വത്തിൽ നടന്ന ദിവ്യബലി ആരാധനയോടെയും, നോർത്ത് അമേരിക്കയിലെ വിവിധ സഭകളിൽ നിന്നുള്ള ഗായകർ അണിനിരന്ന മാസ്സ് കൊയറിന്റെ ഗാനാലപനത്തോടെയും കോൺഫറൻസിന്റെ ആത്മീയ സമ്മേളനങ്ങൾ സമാപിച്ചു.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്