ഓസ്റ്റിൻ (ടെക്‌സാസ്): തെരഞ്ഞെടുപ്പ് വിജയത്തിന് ശേഷം പാർട്ടി വ്യത്യാസങ്ങൾക്കതീതമായി ഭരണം നടത്തുമെന്ന് നിയുക്ത ടെക്‌സാസ് ഗവർണർ ജീന ഹീനോഹോസ. വിജയാനന്തര വാർത്താസമ്മേളനത്തിലാണ് ഡെമോക്രാറ്റിക് പാർട്ടി നേതാവായ ഹീനോഹോസ തന്റെ നയം വ്യക്തമാക്കിയത്.
താൻ ഡെമോക്രാറ്റുകളുടെ മാത്രം ഗവർണറല്ലെന്നും ടെക്‌സാസിലെ എല്ലാ ജനങ്ങളുടെയും ഗവർണറായിരിക്കുമെന്നും അവർ വ്യക്തമാക്കി.
തന്റെ അധികാരം കൈമാറ്റ (ട്രാൻസിഷൻ) ടീമിലേക്ക് മുൻ റിപ്പബ്ലിക്കൻ ജനപ്രതിനിധി ഏണസ്റ്റ് ബൈൽസിനെ ഉൾപ്പെടുത്തിയത് ഇതിന് ഉദാഹരണമായി അവർ ചൂണ്ടിക്കാട്ടി. രാഷ്ട്രീയ ഭിന്നതകളിലും പോരുകളിലും ജനങ്ങൾ മടുത്തിരിക്കുകയാണെന്നും ഒന്നിച്ചുനിൽക്കേണ്ട സമയമാണിതെന്നും ഹീനോഹോസ പറഞ്ഞു.
പൊതുവിദ്യാഭ്യാസ രംഗത്ത് മുൻപ് ഒരുമിച്ച് പ്രവർത്തിച്ച പരിചയം ടെക്‌സാസിലെ കുട്ടികളുടെ ഭാവിക്കായി തുടരുമെന്ന് ബൈൽസും വ്യക്തമാക്കി. 2027 ജനുവരി 19നാണ് പുതിയ ഗവർണർ ഔദ്യോഗികമായി ചുമതലയേൽക്കുന്നത്.
പി.പി. ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
