മോണ്ടെവിഡിയോ: ലോകത്തിലെ ഏറ്റവും വലിയ മതേതര രാജ്യങ്ങളിലൊന്നായ ഉറുഗ്വേയില്‍ പോപ്പ് ലിയോ പതിനാലാമന്റെ സന്ദര്‍ശനം വിശ്വാസികള്‍ക്കിടയില്‍ വലിയ തരംഗമാണ് സൃഷ്ടിച്ചിരിക്കുന്നത്. തന്റെ തെക്കേ അമേരിക്കന്‍ പര്യടനത്തിന്റെ ഭാഗമായി മോണ്ടെവിഡിയോയിലും പൈസാണ്ടുവിന്‍ പര്യടനം നടത്തുന്ന പോപ്പ്, ഉറുഗ്വേയിലെ ജനങ്ങളോട് സാഹോദര്യത്തിന്റെയും വിശ്വാസത്തിന്റെയും പുതിയ പാലങ്ങള്‍ പണിയാന്‍ ആഹ്വാനം ചെയ്തു. സമീപകാലത്ത് ശ്വാസകോശ ശസ്ത്രക്രിയ കഴിഞ്ഞെങ്കിലും അതൊന്നും വകവെക്കാതെയാണ് അദ്ദേഹം വിശ്വാസികളെ കാണാന്‍ എത്തിയത്.
മേഖലയിലെ ജനങ്ങളുടെ പ്രിയപ്പെട്ട പാനീയമായ 'മാറ്റെ' പാനിയത്തെ ഉദാഹരിച്ച് ഐക്യത്തിന്റെയും കൂട്ടായ്മയുടെയും സന്ദേശം അദ്ദേഹം പങ്കുവെച്ചു. ഒരേ പാത്രത്തില്‍ നിന്നും ഒരേ സ്ട്രോയിലൂടെയും മാറ്റെ കുടിക്കുന്ന പരമ്പരാഗത ആചാരം പങ്കുവെക്കലിന്റെയും സഹോദര്യത്തിന്റെയും വലിയൊരു പ്രതീകമാണെന്നും, അതേ സ്‌നേഹത്തോടെ വിശ്വാസവും മൂല്യങ്ങളും പരസ്പരം കൈമാറണമെന്നും അദ്ദേഹം ഓര്‍മ്മിപ്പിച്ചു. ജനങ്ങള്‍ക്കിടയില്‍ സാധാരണമായി നിലനില്‍ക്കുന്ന ഇത്തരം സാംസ്‌കാരിക പ്രതീകങ്ങള്‍ ചിന്തകള്‍ക്ക് ആഴം കൂട്ടാന്‍ സഹായിക്കുമെന്ന് അദ്ദേഹം വ്യക്തമാക്കി.
അക്രമവും ലഹരി ഉപയോഗവും രൂക്ഷമായ ബോറോ പോലുള്ള പ്രദേശങ്ങള്‍ സന്ദര്‍ശിച്ച പോപ്പ്, അവിടെ സഭ നടത്തുന്ന ലഹരിവിമുക്ത പ്രവര്‍ത്തനങ്ങളെയും നിര്‍ദ്ധനരായവര്‍ക്കുള്ള ഭവനനിര്‍മ്മാണ പദ്ധതികളെയും പ്രശംസിച്ചു. ഉറുഗ്വേയിലെ ദാരിദ്ര്യവും വിദ്യാഭ്യാസമില്ലായ്മയും മൂലം കഷ്ടപ്പെടുന്ന കുട്ടികളെയും കുടുംബങ്ങളെയും സഹായിക്കാന്‍ എല്ലാവരും മുന്നോട്ട് വരണമെന്ന് അദ്ദേഹം ആവശ്യപ്പെട്ടു. ഉറുഗ്വേയില്‍ നിന്നുള്ളവര്‍ക്ക് പുറമെ അയല്‍രാജ്യങ്ങളായ അര്‍ജന്റീന, ബ്രസീല്‍ എന്നിവിടങ്ങളില്‍ നിന്നുള്ള പതിനായിരക്കണക്കിന് തീര്‍ത്ഥാടകരാണ് പോപ്പിന്റെ സന്ദേശം കേള്‍ക്കാനും അനുഗ്രഹം വാങ്ങാനുമായി അതിര്‍ത്തി കടന്നെത്തിയത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261108125436.jpg)
-20261108124214.jpg)
-20261108123647.jpg)
-20261108122755.jpg)
