കൊല്ലം: സ്വകാര്യ ബസിൽ നിന്ന് തെറിച്ച് വീണ് വിദ്യാർത്ഥിനിയ്ക്ക് പരിക്കേറ്റു. മാർത്തോമ ഗേൾസ് സ്‌കൂളിലെ പത്താം ക്ലാസ് വിദ്യാർത്ഥിനി പാർവതിക്കാണ് പരിക്കേറ്റത്. കുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചു.  കൊട്ടാരക്കര പുത്തൂർ പാണ്ടറയിലാണ് സംഭവം. 

 ഇന്ന് രാവിലെ ഒമ്പതരയോടെയായിരുന്നു സംഭവം. തിരക്ക് മൂലം ഫുഡ് ബോർഡിൽ നിന്നായിരുന്നു വിദ്യാർത്ഥിനി ഉൾപ്പെടെയുള്ള യാത്രക്കാർ സഞ്ചരിച്ചത്.

 ഡോർ തുറന്ന് കുട്ടി റോഡിലേക്ക് വീഴുകയായിരുന്നു. ബസ് അമിത വേഗതയിലായിരുന്നുവെന്നും ഇതിനിടെയാണ് കുട്ടി പുറത്തേക്ക് തെറിച്ചുവീണതെന്നും യാത്രക്കാർ പറഞ്ഞു.

 സംഭവത്തിൽ ബസ് ജീവനക്കാരെ പൊലീസ് കസ്റ്റഡിയിൽ എടുത്തിട്ടുണ്ട്. കിങ്ങിണിയെന്ന സ്വകാര്യ ബസിൽ നിന്നാണ് കുട്ടി വീണത്. ബസും പൊലീസ് കസ്റ്റഡിയിൽ എടുത്തു. 

 ഡൈവർ കൺട്രോൾ ചെയ്യുന്ന ഓട്ടോമാറ്റിക് ഡോറാണ് ബസിന്റേത്. എന്നിട്ടും ഡോറ് തുറന്ന് പോയത് എങ്ങനെയെന്ന് വ്യക്തമായിട്ടില്ല.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്