പാലക്കാട്: പാലക്കാട് വെള്ളിയാഴ്ച ദിനം മസ്ജിദുകളിൽ എസ്ഡിപിഐ യുഡിഎഫിനായി പ്രചാരണം നടത്തുകയാണെന്ന് സിപിഎം രാജ്യസഭാംഗം എഎ റഹീം എംപി. 

എസ്ഡിപിഐ ലഘുലേഖകൾ വിതരണം ചെയ്‌ത് പാലക്കാട്ടെ മത്സരം യുഡിഎഫും ബിജെപിയും തമ്മിലെന്ന് പ്രചരിപ്പിക്കുകയാണ്. വി ഡി സതീശന് വാർത്താകുറിപ്പ് തയാറാക്കി കൊടുക്കുന്നത് എസ്ഡിപിഐയാണോയെന്ന് ചോദിച്ച അദ്ദേഹം മുസ്ലിം വിഭാഗത്തിൽ ഭീതി ഉണ്ടാക്കാനാണ് ശ്രമമെന്നും വിമർശിച്ചു.

ബിജെപിയെ തോൽപ്പിക്കാൻ കോൺഗ്രസിന് എസ്‌ഡിപിഐയെ കൂടെ കൂട്ടണോയെന്നും അദ്ദേഹം ചോദിച്ചു. യുഡിഎഫ് ജയിച്ചാൽ കോൺഗ്രസ് കൊടിക്കൊപ്പം എസ്ഡിപിഐ കൊടി കൂടി കാണേണ്ടി വരും. 

പാലക്കാട് അത് സാമൂഹിക പ്രത്യാഘാതം ഉണ്ടാക്കും. ബിജെപിയെ ഭയമെങ്കിൽ എന്തിന് ഉപതെരഞ്ഞെടുപ്പിന് അവസരം ഒരുക്കി? പാലക്കാട് മത്സരം യുഡിഎഫും എൽഡിഎഫും തമ്മിലാണ്. ബിജെപി ചിത്രത്തിൽ പോലും ഇല്ലെന്നും റഹീം പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്