തന്ത്രപരമായ മാറ്റം വേണം, കാനഡ യുഎസിനോടുള്ള ആശ്രിതത്വം കുറയ്‌ക്കണമെന്ന് സ്റ്റീഫൻ ഹാർപ്പർ

FEBRUARY 9, 2026, 4:12 AM

ഓട്ടവ: കാനഡ അടിയന്തരമായി തന്ത്രപരമായ മാറ്റം കൊണ്ടുവരണമെന്നും, രാജ്യത്തിന്റെ സ്വാതന്ത്ര്യവും സാമ്പത്തിക പ്രവർത്തനങ്ങളുടെയും തുടർച്ചയും സംരക്ഷിക്കാൻ അമേരിക്കൻ മാർക്കറ്റിനോടുള്ള ആശ്രിതത്വം കുറയ്ക്കേണ്ടതുണ്ടെന്നും മുൻ കാനഡാ പ്രധാനമന്ത്രി സ്റ്റീഫൻ ഹാർപ്പർ.

ഇതുവരെ യു.എസ്. ആക്രമണങ്ങളിൽ മൗനം പാലിച്ചു എന്നാൽ ഇപ്പോൾ അസ്തിത്വപരമായ ഭീഷണി നേരിടുന്ന സാഹചര്യത്തിൽ പ്രതികരിക്കാൻ നിർബന്ധിതനായെന്നും അദ്ദേഹം കൂട്ടിച്ചേർത്തു.

അമേരിക്ക “ശത്രുതാപരമായി” മാറിയെന്നും, പ്രസിഡന്റ് ഡൊണാൾഡ് ട്രംപ് ഭീഷണികൾ ഉയർത്തുകയും, വ്യാപാര കരാറുകൾ ലംഘിക്കുകയും ചെയ്യുന്നതായും ഹാർപ്പർ ചൂണ്ടിക്കാട്ടി. ഇത് “ഗുരുതരമായ വെല്ലുവിളി” സൃഷ്ടിക്കുന്നതായും അതിന് ശക്തമായ പ്രതികരണമാണ് ആവശ്യമെന്നും അദ്ദേഹം പറഞ്ഞു.

കാനഡ പുതിയ ജിയോപൊളിറ്റിക്കൽ യാഥാർത്ഥ്യങ്ങൾക്ക് അനുയോജ്യമായി തന്ത്രങ്ങൾ സ്വീകരിക്കേണ്ടതാണ്. വ്യക്തമായും പറയുകയാണെങ്കിൽ, ഈ യാഥാർത്ഥ്യങ്ങൾ സൂചിപ്പിക്കുന്നത് അമേരിക്കയിൽ ആശ്രിതത്വം കുറയ്ക്കേണ്ടതാണെന്നാണ്.

ഭൂപ്രദേശവും ദീർഘകാല വ്യാപാര ബന്ധങ്ങളും കണക്കിലെടുത്ത് യു.എസ്. രാജ്യത്തിന്റെ “പ്രധാന പങ്കാളി” ആയിരിക്കുമെങ്കിലും, യു.എസ്.കാനഡ തുടർ ബന്ധത്തിന് സമതുല്യവും തത്ത്വചിന്താപരവുമായ വിലയിരുത്തലാണ് ആവശ്യമെന്ന് ഹാർപ്പർ വ്യക്തമാക്കി.