ഡാളസ്: വടക്കൻ ടെക്‌സാസിൽ ബുധനാഴ്ച വൈകുന്നേരത്തോടെ ശക്തമായ ഇടിമിന്നലോടു കൂടിയ കൊടുങ്കാറ്റും കന്മഴയും (Hail) ആരംഭിച്ചു. വരും മണിക്കൂറുകളിൽ ശക്തമായ കാറ്റിനും ഒറ്റപ്പെട്ട ടൊർണാഡോകൾക്കും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.

ഡാളസ്, ടാരന്റ്, ഡെന്റൺ ഉൾപ്പെടെയുള്ള പ്രധാന കൗണ്ടികളിൽ വെള്ളപ്പൊക്ക ജാഗ്രതാ നിർദ്ദേശം (Flood Advisory) പുറപ്പെടുവിച്ചു. വൈസ് കൗണ്ടിയിൽ രാത്രി 10:30 വരെ ശക്തമായ ഇടിമിന്നൽ മുന്നറിയിപ്പുണ്ട്.

ഡാളസ് കൗണ്ടിയിൽ ഇതിനകം 35 ഇഞ്ച് മഴ ലഭിച്ചു. സിഡാർ ഹില്ലിൽ റോഡുകളിൽ വെള്ളം ഉയർന്നതിനെത്തുടർന്ന് വാഹനങ്ങൾ കുടുങ്ങുകയും രക്ഷാപ്രവർത്തനം നടത്തുകയും ചെയ്തു.

ഗാർലൻഡിൽ കനത്ത മഴയെത്തുടർന്ന് ഒരു വെയർഹൗസിന്റെ മേൽക്കൂര തകർന്നു വീണു. ആളപായമൊന്നും റിപ്പോർട്ട് ചെയ്തിട്ടില്ല.

വ്യാഴാഴ്ച മഴയ്ക്ക് അല്പം ശമനമുണ്ടാകുമെങ്കിലും വെള്ളിയാഴ്ചയോടെ വീണ്ടും ശക്തമായ കൊടുങ്കാറ്റിനും മഴയ്ക്കും സാധ്യതയുണ്ട്. അടുത്ത ചൊവ്വാഴ്ച വരെ മഴ തുടരാനാണ് സാധ്യത.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്