മലപ്പുറം: സംസ്ഥാനത്തിന്റെ വിവിധ ഭാഗങ്ങളില് വ്യാജ ചെക്കുകള് നല്കി ലക്ഷങ്ങളുടെ തട്ടിപ്പ് നടത്തിയ സംഘത്തിലെ പ്രധാനി മലപ്പുറത്ത് പൊലീസിന്റെ വലയിലായി. കൊല്ലം മടത്തറ സ്വദേശി അഖിലാണ് (27) പൊലീസിന്റെ പിടിയിലായത്. ചമ്രവട്ടം ജങ്ഷനിലെ ഹാര്ഡ്വെയര് ഷോപ്പില് പണമില്ലാത്ത അക്കൗണ്ടിന്റെ ചെക്ക് നല്കി പെയിന്റ് തട്ടിയെടുക്കാന് ശ്രമിക്കുന്നതിനിടെയാണ് ഇയാള് പിടിയിലാകുന്നത്.
കഴിഞ്ഞ ദിവസം ചമ്രവട്ടത്തെ കടയില് നിന്നാണ് ഇയാള് വന്തോതില് പെയിന്റ് വാങ്ങിയത്. തുടര്ന്ന് ഇതിന് പകരമായി ചെക്ക് നല്കി സാധനങ്ങളുമായി മുങ്ങുകയായിരുന്നു. എന്നാല്, തട്ടിയെടുത്ത പെയിന്റ് തൊട്ടടുത്തുള്ള മറ്റൊരു കടയില് കുറഞ്ഞ വിലയ്ക്ക് മറിച്ചുവില്ക്കാന് ശ്രമിച്ചതാണ് പ്രതിക്ക് വിനയായത്. പെയിന്റ് വില്ക്കാനായി അഖില് സമീപിച്ച രണ്ടാമത്തെ കടയിലെ ഉടമയ്ക്ക് ഇയാളുടെ പെരുമാറ്റത്തില് സംശയം തോന്നുകയായിരുന്നു. വിപണി വിലയേക്കാള് വളരെ കുറഞ്ഞ നിരക്കില് ബ്രാന്ഡഡ് പെയിന്റുകള് വില്ക്കാന് ശ്രമിച്ചതാണ് സംശയത്തിന് ഇടയാക്കിയത്. ഉടന് തന്നെ വ്യാപാരി വിവരം പൊലീസിനെ അറിയിക്കുകയായിരുന്നു.
പൊലീസ് സ്ഥലത്തെത്തി ഇയാളെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് തട്ടിപ്പിന്റെ ചുരുളഴിയുന്നത്. സമാനമായ രീതിയില് കേരളത്തിലെ വിവിധ ജില്ലകളില് ഇയാള് തട്ടിപ്പ് നടത്തിയിട്ടുണ്ടെന്ന് പൊലീസ് വ്യക്തമാക്കുന്നു. ഇയാള്ക്കെതിരെ മറ്റ് സ്റ്റേഷനുകളില് കേസുകളുണ്ടോയെന്ന് പൊലീസ് അന്വേഷിച്ചു വരികയാണ്. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
1-20260629040818.jpg)
-20260418094445.jpg)
-20260629034748.jpg)
-20260622112905.jpg)
-20260119112533.webp)
-20260423062000.jpg)
-20260312031212.jpeg)
